قصيده في ستار اكاديمي

ياهل القناة اللي تلمون البنات مـع الشباب**** تبيتون الذيب وام قرين فـي نفـس المراح
تمارسون اكبـر جريمـه ياعساكـم للذهـاب****اكبر دليل ان المحرم فـي شريعتكم مباح
أستار اكاديمي وانـا سميتـه استـار العيـاب****الا ملم الشيـن وشعـار الـردى والانفتـاح
يحارب الاداب والعفه ويفتح كـل باب**** لهل العقول اللي مصابه بالتخلـف والكسـاح
اليا تلاقوا فيه والستر انكشف والعقـل غاب****افلس من الحشمه وبرق المعصيه رفرف ولاح
والمشكله لن صار بالدعوى تشقلب وانقـلاب****والطايح اصبح فوق واللي فوق ماحوبه وطاح
يبي يطول الليل حط وشيـل مافيـه******.****وكلٍ يردد لوسمحت شـوي ريّـض ياصبـاح
ليت المدرب شجع قروبه على كتب الكتاب****ونادى لهم ماذون عله يبـرم عقـودالنكاح
مير المصيبه قايد الجربان بالحكه مصاب****ومن الجهاله والمعاصي غادي(ن) عقله براح
يومي براسه جعل راسه عند منقوش النصاب****وفي منهجه كلٍ على ماقيل مطلوق السراح
رقص وتمارينٍ غريبه صابني منهـا رعـاب****يارب ثبتني وساعدني علـى كبح الجماح
على الهواء بثياب مشبوهـه ومـر بلاثياب****وكلٍ على مايشتهي ويحب والدعـوىسمـاح
هـذي حقيقـه ماعليهـا لاغبـار ولاضبـاب****والقصد منها صرفنا عن مافي الامه من جراح
وحنا ياماشالله على السنه وماجا فـي الكتاب****السيل يمشي ما ونتشـدق بالصـلاح
بيوتنـا فيهـا القنـاه ام الخلاعـه والخـراب****وعيالنـا علـى متابـع بثهـا جاهـم شفـاح
يالغافل انت بدون قصد ادخلت في منزلك داب****دابٍ خطير وراس نابه ينقـل السـم الذحاح
جبته وقربته وطاب الوضع لعيالـك وطاب****لهل الرذيله بعد ماحالـف مخططهـم نجـاح
اهداف الاعدا انا نكون اهون وادق من التراب****ياكرمهـم باللي يضيعنا وبالنافـع شحاح
غزوا شباب المسلمين بلاسيوف ولاحراب****حتى صغار السن صار لفكرهم شبه اجتيـاح
ننام وعقول الصغار انظف من رشاش السحاب****والصبح نلقاها بفكر الغرب وسمومه لقاح
عندي سؤال وكل من يسأل يدوّر للجواب****الى متى تومي بنا في دربهـا انسـام الريـاح
ان كان مانصحى ونحسب للعدو مية حسـاب****ضعنا ورحنـا مثـل حيٍ قبلنا ولا وراح

ملطوشه

نقل موفق


يعطيك الف الف الف عاافيه


وبانتظاار جديدك

مشكوور اخ ابو حمود على القصيده المميزه

ويعطيك العافيه

مشكورين عالمرور

قصيده رائعه





سلمت اناملك على النقل




دمت بخير

مشكوره على المرور جليسة القمر