وش فيها رغم الوفاء تتركني لحالي

ياصاحبي جيتك اشكي لك من احوالي
جيت ومادامك رفيقي ليه اطولها

العلم مافيه يا اول واخر امالي
عندي رسالة ولا ادري كيف اوصلها

للي سبتني وانا من قبلها سالي
ابيك توقف معي وتروح تسالها

وش فيها تفتح علي ابواب عذالي
وتحمل النفس حاجه ماتحملها

وش فيها رغم الوفاء تتركني لحالي
وانا لجفاها تركت الدنيا بـ اكملها

إن كان هذا زعل علمها يالغالي
ما كان قصدي وربي البيت ازعلها

علمها واللي يخلي قلبك الخالي
عن ضيقتي وين وصلت من تجاهلها

علمها كم لي وانا ماشفت جوالي
كله على شان ما اقلب رسايلها

وعلمها وشلون لامرت على بالي
اروح واضم صورتها واقبلها

وعلمها كيف انشغل عن كثرة اشغالي
واصرح واضم بعيوني واتخيلها

وعلمها عني وعن همي وغربالي
وعلمها عن كل حاجه في وتجهلها

وان شفتها دنقت تبكي على حالي
وانسى الكلام وتذكر كلمه وقلها

قل شاعرك يعتذر ويعاهدك تالي
وإنه يرتب حساباتها من اولها

ويقول حتى القصيد اللي على بالي
والله معاد اكتبه ان كانه يزعلها


لــ الشاعر :: فهد المساعد

الله يعافيك اخوي قمه

ومشكوووووور على مرورك

مرررهـ حلوووهـ كلمــــــــــــــــات ولا اروع والأروع صاحب المووضوع

يســـــــــــــلموو قلبووو ع القصيده الرائعه
وننتظر كل جديدك ولك ودي واحترامي

تحيتي..

يسلمك ربي يالغاليه ومشكووووووره على مرورك

يعطيك الف عافيه