شوقي غيـر هالمـره

مو مشتاق له زي كل مره مدري شوقي غير هالمـره

حاس شوقي ذبحني هالمـره مع اني أمس كنت معــاه



ليه شوقي اليوم صاير زياده ليه شوقي غريب عن العاده

ليه حاس طال هجره وبعاده مع اني أمس سولفت واياه



كنت خايف بشوقي أقولـه ويقول عني ملهوف في حبه

أو يتكبر علي أو يجيني صده ويعذبني من بعده و جفـاه



الغريب واللي مستغرب منه هو بعد مشتاق ويبيني أضمه

ومايبيني أبـد أبعـد عنـه ويقول بعد انه خايف أنساه



ليه أنساه وأنا من قلبي هويته وصدق الحب بروحي هديته

أصلا أنسى نفسي لو نسيته أموت لو ما أتنفس من هواه



هذا قلبي وهذي عيوني فديته ولو يبي أكثر والله عطيتـه

لأني من قلبي فعـلا حبيتـه عساه يدري بقدره وغـلاه



أنا الحين مشتاق آه لو ألقاه أبيه يداويني من حبه ودواه

أبيه ولا أبي أحـد سـواه أحبه ومشتاق له و أهـواه

صح لسانك
دائما اختياارك للقصائد مميز
سلمتي غاليه

يسلموووو
على المرور
خيووو مرهوب مرورك دائما يسعدني

يعطيك الف عافيه