لتجعل تصاميمك اكثر جمالا

السلام عليكم..

موضوعي بسيط اشياء حاول انك تتجنبها واشياء مهم توسيها
عشام توقيعك او تصاميمك تكون رائعه وغريبه و راقيه..
يعني انا ماعندي ذيك الخبرة او دراسة بهذا المجال لكن من رأي واللي لاحظته من التصاميم..

( 1 )

الصور

تجنب انك تكثر الصور بالتوقيع...الصور اللي تكون مقصوصة خصوصا
لانه غالبا يبان ويجي شكلها مو جيد بالتوقيع..حتى لو كان القص دقيق..
تحس في شي مو حلو بالتصميم..يعني حاول تركز على صورة وحدة تغير فيها الألوان وتعمل إضاءات وممكن تضيف صور لكن بشكل خفيف وراقي..


( 2 )

الألوان...

لون الصورة...لازم لونها يكون حلو غريب..
لاتكثر كثير ألوااان حاول تركز على لون معين..
ودايما الألوان الجريئة تكون حلوة بالتصاميم..أكيد الصورة راح تحدد اللون
مثلا ما راح ينفع شي حزن وتحط ألوان قوية بس بنفس الوقت حاول تدور ألوان غريبة درجات ملفته ومتناسقه...!!


( 3 )

الكلام...

الكلام اللي بالتصميم .. لا يكون كثير..
الكلام الكثير يشوه الصورة
حاول توصل الكلام من الصور ..
خلي الصورة تكمل الكلام والكلام يعبر عن الصورة..
وأختار جمله تكون قوية..
تعبر عن كل الحب
او الشوق او الحزن او الغرور او اللي تبي تكتبه..
اتجنب الكلام المعروف و المعتاد




( 4 )

الخط

الخط اللي تكتب فيه الكلام..له دور مهم جدا في رقي و جمال التصميم..
أهم من اي شي ثاني..
الخط لازم يكون مناسب مع الصورة وتحاول انك تخليه شي من الصورة
لون الخط...والحركات اللي عليه..تحاول انك تخلي الخط ينساب مع الصورة ويصير جزء من الصورة..


( 5 )

الإطار....

من رأي واللي احسه ان الإطار يعطي رقي أكثر للصورة وللتصميم..ويبرز ألوان التصميم..


( 6 )

الكركتير للشخصية اللي انت حاطها..
صورة الشخص او الفتاة اللي متخارها..مناسبه مع الكلام..
الوجه والملامح توصف الكلام اللي حاطه..
ونفس الشي مع المناظر او الصور الثانية..لازم تكون معبرة عن الكلام
والأهم ان الصورة تكون كامله مو مقصوصة ..
يعني ممكن تختار خلفيه لون مثلا أبيض..
وصورة الشخص يكون متكي..فلمن تجي تقصها راح يبان حدود الصورة...
حتى لو جيت تمسح وتقص .. يفضل في شي غريب..
(( اذا في احد مافهم هالنقطة ممكن اوضحها بالصور..))


وأخر شي...لاتنسى الوضوح والتناسق الألوان والصورة والكلام..
خلي يدك خفيفه في التصاميم..
وحاول تبدع شي جديد..شوف أفكار جديده جرب كل شي..
وبلاخر راح يطلع معك إبداعات وتصاميم مميزه..

ولاتنسى لكل شخص ذوقه ورأيه وأسلوبه..
وتقبلوا مني....

طرق رائعهـ

سلمت انآملك ع الطرح المميز

[عزيزي الزائر يتوجب عليك التسجيل للمشاهدة الرابط للتسجيل اضغط هنا]

يعطيك ربي الف عافيه

خيتوو أتعبني غرورك
علي تواصلك الرائع

لاعدمناك
لك مني أطيب تحيه