ياللي تبي تعرف اسراري وعنوانـي
الحزن والضيق واللوعـه عناوينـي
وان كان من جد يا بن الناس تبغانـي
في كل لمـة حـزن يمكـن تلاقينـي
يكتبني الضيـق واللوعـات تقرانـي
والناي من شرهـة احزانـي يغنينـي
أجامـل الصبـر والايـام تعصانـي
بالله قلي وش اللـي معجبـك فينـي
فقير يوم ان عز النفـس مـا غنانـي
كم قلت للفقر عـز النفـس مغنينـي
كم واحدن ما شتمته لجل ما عطانـي
وكم واحدن ما مدحته لجـل يعطينـي
يقلقنـي الذنـب لامـنـه تغشـانـي
يالله مـن الذنـب والغفلـه تنجينـي
مافيه صوتن يخفـف عنـي احزانـي
الا ابـن شريـم لأأأأأم المصليـنـي
ما هو بدايم يصير لساني ..حصانـي
كم زلة(ن) من لساني صدق تشقينـي
من صغر سني وانا هالحزن يبرانـي
واليـوم عمـري تعدنـه ثلاثيـنـي
صحيح ماني بمثل ابـوي واخوانـي
رغم ان هقوات نفسي نوب تغوينـي
مـا مـد كفـي لكفـن مـا تمنانـي
ولاسج رجلـي بدربـن مـا يودينـي
ما كذب لاكن اتجمل بعض الاحيانـي
يوم ان ها الكذب صاير شي روتينـي
في ظروف ازرف عزيزن ما تناساني
وفي ظروف ادور مزرفني وناسينـي
اعرف نبض الجفا في وجيه عدوانـي
واعرف نبض الغلا في اللي مواليني
والطعنه اللي تجي من صوب صدقاني
اقسى من الطعنه اللي مـن عدوينـي
كم مرتن مات دمعي داخـل اجفانـي
وكم مرتـن اتفـه الاسبـاب تبكينـي
كذاب لو قلت شعري يوم ما شقانـي
احيان يسرق منامي من جفـن عينـي
اكتب قصيدي عشان عيـون خلانـي
ومرات اجامل عشان ارضى محبيني
هذا اعترافـي وانـا مانـي بندمانـي
ممكـن ابصـم او التوقيـع يكفينـي
اول مرة احط موضوع عاد ردوا
06-13-2008, 06:24 PM
من روائع الشاعر علي الريض
المواضيع المتشابهه للموضوع: من روائع الشاعر علي الريض
العرض العادي
