فضيحة : (صندوق رسائل أحد المشرفين. )

بسم الله الرحمن الرحيم

شلونكم .. شخباركم

عساكم طيبين

شوفوا صندوق الرسايل الخاصة لاحد المشرفين

يالله انك تعينهم

بس بدون زعل ترى والله غشمره ولا المشرفين على العين والرأس


*

الرسالة الأولى :

السلام عليكم ...
شلونك مشرفنا .. اقولك تكفى ترى أنا اضفت موضوع بس مدري
شكله نزل ثلاث مرات بالغلط أحذف أي واحد فيهم ..
اللي يعجبك أنت بس أشر واحذف ..


الرسالة الثانية :

هلا مشرفنا ..... اقلك شووف ترى في عضو قاعدلي كل
موضوع يرد علي ويهينني قدام الأعضاء ... ترى لو
ماسكته بسوي شي عمره ماصار ...واقلبلكم المنتدى ..
وقد اعذر من أنذر...


الرسالة الثالثة :

ياااأبو الشبااااب ألحقني . كل ما أدخل المنتدى يطلعني بره .
ومو راضي يدخلني شسالفه لا يكون الدخول بفلوس ...


الرسالة الرابعة :

هاااي مشرفنا ... ممكن لو سمحت تعدل اسمي من الحلوة
الى ملكة جمال المنتديات <<<<<مصدقه نفسهاا


الرسالة الخامسة:

كيفك عمري ... عساك مبسوط .. الصراحة شخصيتك عاجبتني ولك
هيببة في المنتدى بس ياريت يعني اذا نزلت موضوع ثبتلي اياه
ترى انا زعلانة محد يثبتلي مواضيعي خ خ خ خ


الرسالة السادسة :

ابوي اقلك شووف مني مسلم عليك ولا شي انت أصلاُ ماتستاهل كل
ما انزل موضوع تحذفه لي .. عجيب والله ... ياخي مافيها شي لو
الواحد يضحك شوية نمزح مع هندي ولا باكستاني .. ايزي يااخييييي


الرسالة السابعة :

مساك الله بالخير سوبر ستار المنتدى ...
اخوي الصراحة انا مكسوف منك ودي أطلب طلب بسيط ... يعني
انا ودي اتعرف كيف المشرف يتعامل مع المواضيع وكيف الطريقة
يعني بالعربي الفصيح ودي الباسوورد حق نك نيمك اذا تكرمت ...
هع هع هع


الرسالة الثامنة :

ياخي تراك زودتها ... شايف نفسك علينا وكل مانكلمك ما تعطينا
وجه ياخي ترى الاشراف مو يعني صرت ملك ... استح على وجهك
بالله .. قال مشرف قاال ... <<<< طب فيه هههه


الرسالة التاسعة:

حبيب قلبى... كيفك حبي .. عرفتني أنا أمورة .. واحشني كتيير ...
اقولك كلمني عالمسنجر ضروري ... بااااااااااي ..

الرسالة العاشرة:

(من المشرف العام)

السلام عليكم ..أخي
الاحظ كثرة الشكاوي من الأعضاء وكثرة المشاكل أرجوا تهدئة
الأمور بأسرع وقت .. وان تفعل أي شي لمصلحة المنتدى ...
وشكرا ....


وبعدين يطلب استقالته ويريح راسه وخلاص

تسلم يالغلا

و المعذرة مكرر

ينقل للإرشيف