تدرين ويش اللـي يخلينـي اتـوه؟

تدرين ويش اللـي يخلينـي اتـوه؟
واضيّع اللـي كنـت نـاوي اقولـه

لامنّ رديتـي وقلتـي لـي الـووه
تضيـع كـل المفـردات بسهولـه

والا انا يا اميرتـي فالغـلا يـووه
ما فيه احد ياخـذ معـاي البطولـه

بالفعـل لـو بقولـك شـي قالـوه
اشره على نفسي اذا جيـت اقولـه

يانور عينـي ياحياتـي وياهـووه
يادنيتـي يامنوتـي يـوم اطـولـه

لبيه يا احلا بنـت واثنيـن جابـوه
يا اجمل جميلات العـرب ياخجولـه

اسمك اذا جابـوا مجالـه ونـادوه
جوارحـي مـن فرحتـي صفقولـه

فديـت قلبـك والمخاليـق يفـدوه
ياجنتـي ياحلـم ذيـك الطفـولـه

حلمٍ قضيت سنين عمري وانا ارجوه
حتى تحقق فـي وجـودك نزولـه

قلبي بحر والناس ما يـوم عامـوه
كـلٍ يبـي مرجـان قلبـي ولولـه

تعالـي بستيـان وردي ومـايـوه!
وعومي بكيفك فيه عرضه وطولـه

يفـداك مرجانـه ويفـداك لولـوه
ملكك لوحـدك مـا يمـرون حولـه

ولا تسأليني ليه ويش فينـي اتـوه
ماعاد عندي شـي غيـرك اقولـه


وسلامتكم

بصراحه روووووووعه

تسلم ع الابيات الحلوة

رغم جرأتها

تقبل مروري

بنت الامارات

عطرتي صفحتي بمرورك الرائع


ملاك الحب
مشكورة اختي وذوقك اللي حلو

يعطيكم العافية

دمتم بحفظ الرحمن

اخي معاند الجرح
صح لساانك ولاهنت
عبارات نسجتها لنا
بخيوط مميزه
وهاأنت تنثرها
بين ايدينا
لتكون كلمات
وحروف
لها بصمتها المميزه
يعطيك الف عافيه
نتنظر جديدك
دائما
تقبل تحياتي وتقديري

اختي لحن البلابل

مرورك عطر صفحتي

لاتحرمينا


دمتي بحفظ الرحمن