باللة ارجع ضاق صدر المدينة

بالله إرجع شوف وجه المدينه ............. تبكي شوارعها من أسباب فرقاك..
حتى المباني من فراقك حزينه ............... الريح صوت ونبرةالحزن شباك..
والليل صاح في غيابك حنينه ................ ينشد نجومه وين طلعت محياك..
برد وظلام ودمعته وسط عينه .................. راح يتلمس في زواياه يمناك..
كنه طفل غاب الفرح عن سنينه .................. يشتاق لك ويحن لك ويترجاك..
والشمس تطلع تسأل الليل وينه ............... تقطع خيوط الليل من شان تلقاك..
تاقف وتمشي كنهالك رهينه ................ تمشي وتاقف في سماها تحراك..
ياصاحبي صاحبك الله يعينه ................. محد اعرف وشلون حاله بلياك..
عزيز نفس ولارضى بالغبينه ................. البعد يغبن والغبن كيف ينساك..
من زود حبك صرت دمعه بعينه ........... يخاف لاتنزل دموعه وتجرح محياك..
حال المسافه بينك وبينه .............. يرمي حبال الوصل يمك ولاجاك..
شاعر صدى حرفه يترجم أنينه ................... يموت حي لافقد مثل شرواك..
هذا أنا وجروح قلبي دفينه ................ تعال داوي جروح بعدك بلقياك..
هذا أنا ودموع عيني سجينه .................... هذا أنا ياصاحبي لاعدمناك..
إرجع بدونك بيض الأيام شينه ...... ياخي حرام إرجع ترى كل مافيني يبغاك..


بالله إرجع ضاق صدرالمدينه ................ تبكي مبانيها من أسباب فرقاك..

منور القسم بمشاركتك



يعطيك الف عاافيه



وباانتظاار جديدك

ملاك الحب

صح لسانك على القصيد هالجميله في معانيها وعلى اختيارك لها

ودمتي ملاك الحب

اللة يسلمكم حبايب قلبي

منورين بمروركم الحلو