احاول ابتسم وانسى ولكن وش ينسيني؟؟

أحَاولْ أبْتِسِمْ وأنْسَى ولكنْ وشْ ينسيني..؟!

**************************

تصدق وإلا ما تِصَدِّق .. أنا عَاجِزْ عَنْ التفكير



تعَالْ وشُوفْ في عينِيً غِيابكْ وشْ عَمَلْ فيني



حبيبي ما بُقى عِندي صَبرْ .. يتْحَمَّـلْ التأخير


رَحَلتْ .. وعِقبكْ الدنيا غلاها طاح مِنْ عيني



أجَاوبْ اللِّي يسْألني عَنْ أخْبَاري وأقولْ بخير


وأنا لا خِير بغيابكْ .. ولا حَاجَه .. تهنيني



على طاريكْ كِلْ لحظه .. ولا أحتاج للتذكير


حَريصْ القلب ما ينسَى عيونِكْ , لا توصيني



مَحَدْ يِقْدَر يعَوِّضْنِي لأنِّكْ .. في عيُوني غير


ومَهْمَا شِفتْ أنا الفرحَه .. بدونِكْ ما تسليني



وكيف الحَالْ وشلوني .. جَوابٍ ما يَبي تفسير


بدونِكْ إنتْ , ما تِضْحَكْ حَياتي وترْمِشْ سنيني



مِثلْ شَاعِرْ عِجَزْ يوصَفْ شعُوره وخانه التعبير


أنا ضايع .. ولا أدري مِنْ فراقِكْ .. أنا ويني



مِثلْ طيرٍ كِسَرْ بُعْدِكْ جَناحَه وما قِدَرتْ اطير


أحَاولْ أبْتِسِمْ وأنْسَى ولكنْ وشْ ينسيني..؟!



أشُوفِكْ في صباحي إنتْ مَعْنَى يا صباح الخير


وأشُوفِكْ في مَسَائي حِلْم وردي .. لا تصحيني



تِصَدِّق .. السَهَر يَرْسِمْ عيُوني ويتْقِنْ التصوير


ويشِقْ النُور في صفحة حياتي .. وما ألاقيني



أنامْ شلونْ ومشكلتي عِجزتْ ألقى لَهَا تدبير


طِلَبتْ النُومْ .. لحظاته وعيَّا النُوم يعطيني



تغيَّر وجْهَي .. مِنْ أوَّل غيابكْ وإبْتِدَى التأثير


حبيبي .. مِنْ التَّعَبْ كافي خذيتْ اللِّي يكفيني



يا أغلى مِنْ رَحَل عنِّي يا كِلْ الحُبْ والتقدير


تعَاااااالْ إنْ كان لِي عِندِكْ مَعَزَّه وكان تغليني



تعَالْ: إنْ كِنتْ تعشقني وإذا فِعلاً تبي لي خير


تعَالْ: ومِدْ لِي .. كَفْ الوَصِلْ .. وآمِدْ كَفيني



إذا كانْ الجِفا واجِبْ بدى مِنْ قلبي التقصير


أبيكْ الحِينْ .. تِرجَعْ لِي ولا تِرجَعْ تخليني



أنا ما أقولْ اللِّي صَار فِيني ما هقيته يصير


لأنِّي كِنتْ .. ( مِتأكِدْ ) .. بأنْ البُعد (ينهيني)

بنت الهيلا..

اللــــــــــــــــــه اللـــــــــــــــــــــه على الكلمات الرائعة الله لايحرمنا من الكلمات الذوق تسلمي على الموضوع الحلو يعطيكي الف عافية وتقبلي مروري

ياهوووووووووووووووووووه اخص اخص على الكلمات مشاللله روووعه والله رووعه الله يوفقك ياقلبي

ودمتي بوووووود بمواضيعك

يـــــــــعـــــــطـــــيك الف العااااااااااافية عالقــصــيدة الــمؤثــرة

صح لسانك

رااااااااائعه بالفعل

كلمات في غاية الذوق

سلمت يمناك يالغلااا

ودامت لنا مواضيعك وردودك

بإنتظار جديدك

غاليتي

جميل أن يسطر الإنسان ما يجول بخاطره..

والأجمل أن ينزف قلمه ذرات من الألم الذي كسا أيامه..

ولكــــن..

يبقى الامل والسعادة شيء جميل في الحياة

يجب ان لا نستغني عنه

وتبقى نفحة أمل بين الأوراق..

أتمنى ان تعود اليك السعادة

لتخترق حياتك مجددًّا ليس كأي اختراق

وأدام الله قلمك الذهبي ليسطر لنا ما هو مفرح وإلى الأمام دومًا

اشكرك عزيزتي

بنت الهيلا

على الخاطره الاكثر من رائعة

يسلم قلمك المبدع على ما خطه من كلمات رائعة

ننتظر ابداعاتك

تقبلي احتراااااااااامى وتقديرى