قصيدة في ظلم شاعر المليون

للشاعر فواز الشهيب

يافهد لن كان تنشـد عـن جديـدي
إسمع آخر ماكتبتـه مـن قصايـد

مثل ما احمى سمعتي حامي قصيدي
لا يجي فيه الحكي ناقـص وزايـد

يوم قال الحر للعبـد أنـت سيـدي
ما خضعت الراس طامع في فوايـد

عزتي عن دربها وشلـون احيـدي
لجل أصوّر في قناه وفـي جرايـد

الكرامه في حياتي هـي رصيـدي
لا ولا أكـب المذاهـب والعوايـد

دوم أضد اللي يضـدّون الضديـدي
وقفتي تنشاف فـي وقـت الشدايـد

أعرف امْن اضد واعرف من نديدي
واترك اللي ما يضـدّون الضدايـد

ما اذكر انّي فى الزمن نافست زيدي
لا ولا نافسـت لابسـت القـلايـد

اتفكّر فى القريـب وفـى البعيـدي
كل(ن) يلد النظـر فـى دار زايـد

آه واغبنـي ولكـن ويـش بيـدي
يوم شفت الظلم فى اهل الحق سايد

يافهد دمّـي تجمّـد فـي وريـدي
والغبايـن نارهـا فينـي وقـايـد

يوم طاح الحـر بيديـن العبيـدي
اظلموه وصار جرح القلـب كايـد

بعد ما الشمس اسطعت ذاب الجليدي
واتضح للعين حسْد اهـل الحسايـد

جات للحاقد علـى ماهـو يريـدي
وثار عج الكره مع عـج الحقايـد

والجـزا يلقونـه اليـوم الشديـدي
عنـد رب الكـون حـلاّل العقايـد

الجمل بالعون داحـم كـل حيـدي
واشهد انّه مـن وسيعيـن البنايـد

وياسعـودي لا تزيـد ولا تعيـدي
مع مثل شروى هذولي ما انت فايد

من وصلهم مالقـى نفعـه وفيـدي
مثل ماراح امس جاك اليوم عايـد

الله انّـه يلعـن القلـب البلـيـدي
ولعن ابو روس(ن) تهنّى بالوسايـد

بعد هـذي لا تحـرْون المزيـدي
لا يجي منكـم لهـم بانـي وشايـد

كلّنا نـدري عـن العلـم الاكيـدي
السعودي طيب ولاّ غصـب رايـد

ما يصيد الهيّنـه لا جـا يصيـدي
مايصيـد ألاّ الفريـدات الشـرايـد

ذيب مايدري عن خـوار الهريـدي
الوكايـد يـا مــدوّرة الوكـايـد

فى المواقف دايم(ن) راسه عنيـدي
لو بغيت اتهايـده صعـب ايتهايـد

قلبه اللي فى الصدر مثل الحديـدي
سعْد من كان السعودي لـه سنايـد

فى العطا مـا والله يمـد الزهيـدي
مدّتـه تغنيلهـا شعـوب وبـدايـد

شامخ بعزّه مـن العصـر التليـدي
دوم قسمه فى الزمن بيض الشهايـد

وكان يالشاعر تبى الراي السديـدي
لا احد يقـودك وخلّـك دوم قايـد

يافطين القلـب والعقـل الرشيـدي
لا تظلّي طعم صيد بكـف صايـد

عزتك عن دربها حـذرى تحيـدي
لا توطي راسك إلـناقـص وزايـد

مشكوررررررررررر والله على القصيدة الرررررررررائعة

مشكووووووووووور يآ آلغلآ و يعطيك العااافيـه

و شآعر آلمليون .. << خلها في القلب

معاند الجرح

تسلم

وصح لسان الشاعرفواز الشهيب