لعل جرحك بعد الأشعار ينزال

الله من قلب شكى ظيقة البال
كل ما بغى يسلى تذكر عذابه..

والله من دمعن على الخد همال
لا جف نبعه جاك مثل السحابه..

والله من جرح له أيام وليال
لا طاب سقمه جاك غيره إصابه..

في داخلي للهم عشرين مدخال
والغم وسط الجوف مسموم نابه..

من ضيقتي جريت للحزن موال
في ليلتن فيها ظلام ومهابه..

أسمع صدى صوتي وأراقب للآمال
وبعد الصدى أسمع عويل الذيابه..

أمشي على روس المراقيب مختال
والشعر فاتح وسط يدي كتابه..

يقول لي دوك المعاني والأمثال
ودوك السؤال ودوك رد الإجابه..

لعل جرحك بعد الأشعار ينزال
ويطيب جرحك دون طب وطبابه..

لا يازماني كيف بي الحزن طال
وغيري تهنى وأهتنى في شبابه..

الفرح ما باقي بعمري له أطلال
والسلم اللي نزله مارقى به..

تدرون ليش الوقت ما يبري الحال
لأني أعيش الوقت وأطرد سرابه..

وتدرون ليش أجر للحزن موال
لأن لي صاحب وقلبي غدابه..

أعيش دون القلب انسان تمثال
ماباقي ألا الشعر ورث القرابه..

واليوم كلمة حب ياسهل تنقال
وقبل أمس كانت من فنون الخطابه..

كلمة أحبك لي شهر وأربع ليال
عجزت أنطقها لمن هو أهابه..

وأن قلتها دمعي على وجنتي سال
ورجعت والخطوات فيها كآبه..

الحب عذبني ووراني أهوال
وأن أحسب أن الحب لطف وذرابه..

كنت أحسبه ضحكه بريئه من أطفال
وأفراح فيها الود زاهي ثيابه..

لكن لقيت الحب همن وغربال
ودموع حزن وصدر ضايق لما به..

ومعشوق مايرحم وقاسي بالأفعال
بادلني الورده بشوك وحرابه..

جيت الوليف بصافي أشعار وأقوال
وجاني بسيفن ماسكه مع نصابه..

أدمى خفوق اللي يحبه ولازال
باب الأمل بالله ثم الرجى به..

بأجيه بعد الجرح يبرى وينشال
وأن جاء بسيفه قلت له واسفابه..

أنا أحبك وأنت ساطي وقتال
ومن يعشقك وشلون قلبك سطا به..

بأقول لك كلمه وقل شاعري قال
من حب ما يكره ولو صك بابه..

مشكورة اختي على المرور الرائع

دمتي بود

يسلمو اخوي على القصيده الرائعه
ويعطيك العافيه ........


تقبل مروري"" شوشه""

صح لسانك ياالغلا..

يعطيك الف عاافيه..

تقبل مروري/جبووره

مشكووورة اختي شوشة

مشكووورة اختي جابرة الخواطر

مروركم عطر صفحتي

دمتم بخير