طال انتظاري والوله يحرق الجوف

لو ضاقت أسباب الحياة بدنيتي

لو ماتت كلمة حنان بشفتي

لو جفت بداخل عيني دمعتي

لو تاهت دروبي وانطفت شمعتي

لو صارت القسوة تداوي حيرتي

لو صار العذاب تذكار لغربتي

تبقى أنت رفيقي برحلتي


°°•.¸.•°°



أنتهينا مابقى شيٍ نقوله

لايضيع الوقت في كثر الكلام

كل منّا بان للثاني ميوله

الصراحه ما اعتقد فيها ملام

ساعة الفرقى على اللقيا عجوله

أنتهينا وانتهى ذاك الغرام

فرحتي من خلقت الدنيا خجوله

الامل فيها تلاشى في السلام

خلّ يبقى حبنا باجمل فصوله

الفراق المنتظر مسك الختام


°°•.¸.•°°

طال انتظاري والوله يحرق الجوف

والصبر مايطفي من البعد ناري

اكتم شعور الشوق واصارع الخوف

وفي داخلي نهر من الحب جاري

اضحك ولحن الحزن بالصدر معزوف

ودمعي حبسته لايبين انهياري


°°•.¸.•°°

غاب وتركني ما بقى غير ذكراه

مادري وش أخباره ولا وين أراضيه !!

مشتااااااااق له

يا كثر شوقي للقياه

والشوق يحرق الي سكن فيه

أبيه لو بعد القمر بس أنا ألقاه

والله لو دربه من الشوك لأمشيه


°°•.¸.•°°

"سيدي"

لوغبت عني انت غالي

" وهاجسك"

ان ضاق روحي له وسيعه

دام

في " العين "

انسان يحبك لاتبالي

و" الزمن "

لو مايطيعك لا تطيعه

قلت لك

" الروح "

ترخص دون غالي

" انت "

عندي تسوى هالعالم جميعه


°°•.¸.•°°

واحشني وحسيتك تناديني

واحشني وعرفتك ما تخليني

انا فيني

سوالف عشق ولهانه

خواطر شوق حيرانه

تبي تحكي لعيونك

تقولك حيل مشتاقه

بقربك دوم تلملمني

واذا غبت تبعثرني

مدري هي مشاعر عشق

ولا انت واحشني؟؟


°°•.¸.•°°

يوم ضاق صدري

تنفست بذكرى غـــلاك

حضنت الملامح في خيالي‎

‎وتمنيت اجلس معــاك

ليتك كثر ما انت على البال القـــاك

بس يالله عسى الأيام تســــرع

خطاويها وألقـــــاك


°°•.¸.•°°

شريـته وهو طفل صغير وجــاهل ،،

وعلمته كيف الناس للناس يوفون

أخذت بيده رغم كل العــواذل،،

وأمنته على قلبـي وشلته بالعــيون

واليوم ينكـر كل ماكان قـايل،،

ويطعنــي برمح الغدر ( رمح مسـنون )


°°•.¸.•°°

كل السوالف تجيب اسمك ولو صدفة

كل الشوارع توقّّف بي على بابك..

واهرب عن الناس لآخر ركن في غرفة..

وألقاك بالروح..وأهدابي على اهدابك.

هناك اعيش الغرام اللي لقى حتفه

هناك اذوق العذاب اللي من اسبابك


°°•.¸.•°°

من يلوم العين لو هلت دموع

ومن يلوم القلب لو صفق وصاح

آه من قلب رقص بين الضلوع

مثل رقص الطير مكسور الجناح

ليتني وسط الخلا واعطش واجوع

بس أشوفك تبتسم وتنسى الجراح


°°•.¸.•°°

أنا الذي من شوف الأحباب محروم

والله يكافي شر زلات الأقدام

قبل أمس مع ربعي سواليف وعلوم

واليوم طاويني هواجيس وهيام

أضحك ضحى قبل أمس وأبكي ضحى اليوم

ياسرع دورات الليالي والأيام!

مسجــــــــــات اكثر من رائـــعـــهـــ


يعطيك الف عافيه


موضوع مميز


تقبلي تحياتي

مسجات رائعه تسلمين يالغلا

مسجــــــــــات اكثر من رائـــعـــهـــ


يعطيك الف عافيه


موضوع مميز