يوم نحس

(1)

مريت علي أول صراف لقيته عطلان
مريت على الثاني لايمكن السحب
مريت على الثالث عطلان
وعلي هذا الحال الين قدرت أسحب من سادس صراف


(2)
دخلت في شارع طويل من بدايته والسيارت واقفه تحتري الأشاره
الي تفتح لثواني معدوده ومايمشي الا عدد بسيط من السيارت
وماوصلت الأشاره الا بعد وقت طويل وفرحت فرحه كأنه نهاية مشواري عند الأشاره


(3)
جاء في بالي اسوي مكالمه هاتفيه ومالقيت الجوال في مخباي مثل العاده
عرفت اني نسيته في البيت


(4)
لحظتها كان قدامي سياره تمشي ببطئ وكأنه شارع أبوه
ماصدقت اني اتجه للمسار الأسير وامر بجنبه وأعطيته نظره بس مالقى لي بال


(5)
دخلت السوق وشريت لي ملابس
ولما رجعت لسياره في لحظه فتحي للباب طاح أحد الأكياس مني علي الأرض الي فيها مويه
وماادري من اي نوع المويه هي بيارات ولا وجع
بس الحمدلله الملابس ماوصلها المويه , اخذت الكيس وشلت الي فيه ورميته


(6)
ركبت السياره ومشيت وشغلت المسجل وسمعت أغنيه مااحبهاا ولا اطقيها
سكرت المسجل وشغلت أذاعة mbc ولقيت نفس ألأغنيه فيه
حتى ان المقطع يبداء من آخر شي سمعته في المسجل
من القهر غيرت علي موجات ثانيه


(7)
وقفت عند المحطه بعبي بانزين وقلتله عب فل
قال : معاك صرف
قلت : اقولك عب فل وتقولي معاك صرف انا ماقلتلك عب بخمس ريال
قال : كم معاك؟
قلت معاي فئة مائتين ريال
قال : معليش ياصديق مافيه صرف
قلت : هذي مائتين ريال مو خمسمائه , لو كان معي خمسمائه وش تبي تسوي
تبي تنبطح الأرض ولا تبي ترقى فوق السطح

تركت المحطه ورحت المحطه الي بعدها لقيتهم يأشرون بايدنهم يعني مافيه بانزين
والحمدلله ان المحطه الثالث قدرت اعبي ولا كان انقطع البانزين


(8)
مريت علي محل الكافي وأخذت لي كابتشينو
ركبت السياره ومشيت وانا أشرب الكافي الا يكنب منه شوي علي ثوبي
وحلفت علي نفسي اني مااشرب او اكل شي الا والسياره واقفه


(9)
مسكت طريق الدائري الا زحمه سيارات وكان الطريق القادم واقف بسبب حادث
والطريق الذي انا فيه مسوين زحمه والشارع فاضي
كل أصحاب السيارت يناظرون الطريق الجاي ومسببين زحمه
تلقى مجموعه من السيارت تمشي ببطئ وبينهم فراغ كبير للسيارت التي قدامهم وخلفهم
صارت السيارت تضرب بواري حتى تتحرك السيارت

(10)

ماصدقت أني اصل الى منزل صديقي الي كنت ناوي اسهر عنده
ولما دقيت جرس ماقتح الباب انتظرت طويل وتأكدت انه مو موجود
وعرفت انها غلطتي لأني قلتله اذا بحي بتصل عليك
لكن انا ماتصلت , ورحت لأني كنت متوقع انه موجود
مريت علي كابينه مكالمات لأن جوالي في البيت
واتصلت عليه والحمدلله انه كان في مشوار وراجع للبيت ولا كان توهقت


(11)
انتظرته وبعد ماوصل دخلنا لبيتهم جلست على جهاز النت
فتحت الماسنجر كلمت واحد من المضافيين عندي
وانا اسولفهم معه بأهتمام وهو ميت مايرد الا بعد ساعه ولا هوب لمي
من القهر بغيت اخذفه من القائمه

ودخلت علي بعض المنتديات المواقع ارتفع ضغطي من بعض ألأخبار
ومن بعض الأراء الي تتعلق بالمجتمع


(12)
ولما مشيت في آخر الليل طلعت لقيت سيارتي مبنشر كفرها القدامي
من القهر خليتها ونمت عند صديقي



بس متفأئل لما سجلت في هذا المنتدى انها تكون الأيام الجايه زينه



شكراا للمتابعه



تحياتي

شكرا يالحبيب

وعساك على القوه

يعطيك الف عافيه على النقل الرااائع

طرحت فأبدعت كعادتك
والله لا يحرمنا جديدك ووجودك

وتقبل مني كل تقدير واحترام

يعطيك العافيه

وعساك عالقوة


وانا بعد متفائله بتسجيلي في هالمنتدى