ذابت فيني جروحي ومن شفقها شكلت فيني رسوم
وارسمت على مر الزمن ما كان يخفيني من علوم
وعلمت قلبي كيف اتجاوز ما كان يعيقني في يوم
يومها قلت ابنشدك تذكر ذيك المواويل والحـــــلوم
حلمي يوم احكي لك واوصفه من بد كل الحـــــلوم
حلم خلى فيني مشاعر تزيح ما بقى في قلبي من هموم
هموم كود الزمن ما ينسيني اياها يا كيف نسيتها في يوم
يوم واحد لو ابقى سنين عجز من ينسيني ذيك العلوم
علوم قلبي بعد ما كنت اقول الحب عنده شبه معدوم
نعم كنت أجهل الحب والعشق واعتبر انه مقسوم
وأقسم بربي ما دريت ان الحب يجي كذا فجأه ومن غير سلوم
سلمت أمري لربي مثل الذي كأنه سامع خبر مشئوم
قل آمين عساني أشوفك مثل ما حرمتني النوم محروم
ويحرم علي بعدك أحب لان احساسي بعدها بيكون مهضوم
هضمت فيني الكلام والنظر أصبحت مثل الذي عانق الصوم
وصمت لأجل أنسى ماحولي صبحي وليلي أرسم صورتك دايم الدوم
دام العشق سكن فيني ما أرفضه لوكان جاي بألم وغموم
غمومك مثل النسيم يا كود أرق من النسمه بين الغيوم
وعلى طاري الغيوم تدري اني ولهان لشوفتها في السما تحوم
حوم الحمام والطيور اللي غابت عن عيوني كم يوم ويوم
لاتعجب ولا تسأل لأني من شفتك وأنا حابس قلبي مرغوم
جالس ولا يهنى لي نوم ولو تغفى عيني جيتني في فزعة النوم
وصدقني حتى لو نمت انت ما تخليني تجيني حتى في وسط الحلوم
خايف من باكر وأنا ألقى نفسي ما بين لمة الناس والقوم
يسألوني وش علامك وما على لساني غير كلمة مغروم
أنا انسان ما تعلمت الكذب لوكان موقفي بالكذب ملزوم
ولازم أرضى بواقعي وأعرف ان ربي جعله لي قدر محتوم
يا ترى لمتى وأنا بحلم باللي سرق عقلي وبيستمر الحلم كم يوم
من حرتي أبشتكي منه عليه وأخاف في النهايه بكون أنا حاكم ومحكوم
حكمت على نفسي واخترت درب الشقى والعذاب ماني بمرحوم
ولا يرحمني اللي داري عن حالي بس لفزعة غيري يهب ويقوم
أشهد الله اني ابتليت وبدعي ربي يفرج كربي والهموم
مافي أحلى من العشق بس انتبه الطرف الثاني فيك ما هو ملزوم...
قصيدة رووووووووعه
