بنات مسترجلات اش حكايتهم؟

الســــلام عليـــكم يا كل اعضاء منتدى تلاد الغالي

بصراحة وحشتوني مرررررررة خصوصاً إنو انا ما دخلت المنتدى لمدة اسبوعين عشان الأختبارات والحمدلله

عدت على خير فحبيت انفض غبار الأختبارت واطرح عليكم موضوع مهم جداً جداً

اخر يوم من ايام الأختبارات حصل هجوم على مدرستنا من قبل بنوتات حلوات عشان صحباتهم في المدرسة او اخواتهم الخ....
ومن ضمن الي جوا ولد (اكيد ما راح تصدقوا ) الصراحة هيه بنت بس مافي شيء واحد يدل على انوهيه بنت عارفين اكيد شباب الكول كانت وحدة منهم
عاملة شعرها (كدش) ولابسة بنطلون لوست وحتى وجها فيلو شعر زي الأولاد بالزبط وداخلة باعباية من غير طرحة

الحمد لله على العقل وكل بنات المدرسة اتفجعوا من شكلها والي تريقوا عليها وهيه ولا همها وحتى وحدة من البنات قالت يا بنات ترى مو معقول انو احنا قاعدين من غير مانغطي شعرنا هه ..هه

والشاهد في الموضوع (زي ما بيقولوا الرجال)انو اش الي خلاها تعمل في نفسها كدا لهادي الدرجة البنات صاروا ما يبغوا انوثتهم يعني عن جد حاجة تعور القلب خصوصا لما نروح الملاهي في ايام النساء نشوف العجب وطبعاً كل بوية

(بوية يعني#$&boy+تاء التانيث=بنت مسترجلة )

لازم يكون معاها قروب بنات شبه بويات وبنوتة ناعمة عشان تكون حبيبتها هادا من غير الحركات المقززة الي بيعملوها .ـــــــــــــسؤال بيطرح نفسو؟اش الأحساس الي بتحسوا البنت لما تعمل كدا ؟

والغريب في الموضوع كيف اهلها يسيبوها تعمل كدا؟: مستغنين عنها لهادي الدرجة ؟

كيف نضرة المجتمع ما غيرت فيهم حاجة لدرجة انو البويات بيزيدوا يوم عن التاني واي وحدة تصاحب بنت بوية نلا قيها بكرة سارت زيها في كل حاجة حتى في شعرها ومشيتها وكلامها


بصراحة لازم نلاقي لهم حل لأحسن بكرة نلاقي البلد سارت كلها اولاد بعدين مين حيتزوجهم ؟ هه هه هه



واحلى تحية لأحلى اعضاء
لا تنسوا :ـرايكم يهمني

بصراحة لازم نلاقي لهم حل لأحسن بكرة نلاقي البلد سارت كلها اولاد بعدين مين حيتزوجهم ؟ هه هه هه
ــــــــــــــــــــــــــــــــــــــــــــــــــ ـــ

ههههههههههههههههههه



ما عندي خبرة في هالأشياء لكن الحل إنه البنت تتربى في بيت أهلها


إذا ربوها تمام تطلع محترمة و إذا ...... تطلع .......


مشكوووووووووورة و انتظري المناقشين الجيدين

موضوع جيد للنقاش

احياناآ ممكن البنت تكون مثل الرجل

لانها عندها نسبة الغدد الرجوليه تفرز اكثر

يكتشفوها وقت التحاليل

وسمعت كثير

فالله يعين اهاليهم عليهم

واحيانا تكون هي حابه انها تكون مثل الولد يا لطيف

وانا فعلآ شفت من كذا كثير

لكن الله يهديهم هذا اللي نقدر نقوله

ندعيلهم بالهدايه

تقبل ودي

مشكور يا الذوق على مرورك

وانتي يا صغيرونة شكرا على المعلومة

ويعطيكم العافية

هلالالالالالالالالالا اختي حلو فتحتي الموضوع قبلي ونا كنت بنزل هالموضوع بس ربي ارسلك

شفتي كيف انتشر ة الظهره هاااااذي بشكل كبير

طيب انا كذا مره جلست مع بنات مسترجلات وسالتهم ليش تسون كذا ؟؟؟ تدرين وش كان ردهاااااا والله

وهذا ردها من غيرررررر مجامله

تقوال عشان هي اكبر خواتها ومافي ولد قبلها يعني هي بكر تقوم تقول امها وابوها يحملونها مسؤليه اكبر منها يعن

تنفع لعيال مو بنات عرفتو وعشان كمان هي بدال الولد الي دايم نسمع انه هو اول من يجي بعدين بنات

ومن امثله على كذا ان ابوهااااااا يناس يعطيهااااا مفتاح السياره يقول روحي شغليها او حميها تخيلو قبل لا يطلع وهي تحلفلي

ويو صيها على اخواتها يعملها كانها ولد وحتى يستشيرهااااااا باشياء رجاليه اشوي ويسولف لها بروض عن الرجال و

ويحملها مسؤاليات ما تنفع للبنات يعني مايقدرولها وهي تاكون اقوى اقواتها وامها مره خلتها تشيل الدولاب من الدور
ادور الاول لثاني بالله انتي ولا هي بتقدرون تقول قسم بالله اني شلته على ظهري وحسيت ظهري تكسر

ولا مره وابوها مسافر انفتح باب القرش وكان هذا اليوم مطررررر والرجال طالعين يصلون الفجر
امها على بالها حرامي تقول تخيلي طلعتني اشوف من برى وهي خافت واقفلت علي الباب تقول تقزة وقفلت الباب لحالي من غير مساعدة احد

يعني وبعد هذاااا كله ما تبيني اصير مسترجله والله صعبه

وبعضهم تكون البنت الوحيده وعايشه بين اخونها وكلهم اولد وتاخذ طباعهم التطويل وشكر هذي وجهة نظرهم
والثالثه حب تقليد لا غير او معجبه بحركات العيال بس وشكر والله اني طوالتها اسفه على

صراحه فرفوشه اناا بيكون جوابي نفس اشفي الخفوق لانه كلامها كله صج
وترى انتشروا البنات المسترجلات الحين بكثره
وانا مره سالت وحده قلتها انتي بويا يعني ولد او بنت قالتلي الاثنين استغربت صراحه منها
وتسلمين على هذى الموضوع فرفوشه

بصراحة لازم نلاقي لهم حل لأحسن بكرة نلاقي البلد سارت كلها اولاد بعدين مين حيتزوجهم ؟ هه هه هه

فرفوشه ضحكتيني بهاي الجمله هههههههههههههههههههههههههههههههههههههههههه
تسلمين يالغاليه