ما زم صــدر الضـحـى جـوّه ولا نـوره
مـازمـّـه إلا زفـيــر الـــورد بأطـيـابـك
يـامـرحـبـا يـابعـد مـن يشـبـه حضـوره
حـضـور مـن فـاق من غـيبوبة غـيابك
يـامـنـهـج الــزيــن لا بــالله دسـتـــوره
تـشـريـعــه وكـل بـنـد يحـاكـي أهـدابك
تـمـايـلــي تــو عـيــن إللـي ذخـر زوره
لإيـديـنــه إلـيــا لـمــح زولـك وهــلابـك
يـابـخـــت كـلــيـّـة الآداب يـا"نــــــوره"
فــي كـل يـوم تـبـاهــى بـك وتــزهـابـك
يـالـيـتـنـي حــارس أو سـوّاق دكــتـوره
وأشـوفـك بـكـل صبـح وظهـر وأهنـابك
لـو دون شـوفـك حرس وجـيوش منثوره
مـايـحـسب حسـابهـم من يحـسب حسابك
مجـنون .. مهبـول .. ضايع فاقد شعوره
إلـلــي تـبـيـنــه ولـكـن هــدّي أعـصـابك
مـن ويـن جـيـتـك أنا !! من جد مشكوره
قـولـي لـي إنـتي بـربـك زيـن وش جابك
مـن ويــن جـيـتـي لـقـلـبٍ سلـّمك شـوره
وشـلـون مـن تحت ضلعي حطت ركابـك
شـفـتــك ودارت بــي الـدنـيــا كــذا دوره
يــوم الهـوا جــار فـي شـيـلـتـك وحجابك
لـمـحـتــك وكــن قـلـبـي صـار نـافـــوره
ثــم ضـاع مسـتـقـبـلـي بـتـوتـك وعـنابك
لـكـن رغــم كــل هــذا صــدق معــــذوره
مـعـقـولــه إنـسان مثـلي يكسب إعـجابك
أبـــوك هـامــور وإنـتـي بـنـت هـامــوره
وأنــا بـوظـيـفــة (إداري) قـاعــد أدابــك
بــالله فــي بـيـتــكـم مـافـيـه لـك صــوره؟
شـوفــي وتـدريـن لـيـه أمــوت وأحيـابك
طالبه كليه الاداب ....][نــوٍرٍهـ ][ ....
العرض العادي
