!! أهدي للي بعدك بيتين !!

عينه تناديني وعيني تناديه
بالصمت كلن استمر بنداته
والله ياذاك اليوم ماني بناسيه
يوم التقيته واهتنيت بلقاته
ماقول من شفته غدا القلب يغليه
اقول من شفته غدا القلب ذاته
هذا الذي من بد خلق الله اغليه
هذا الذي اطلب من الله رضاته
هذا الذي ياناس اموت انا فيه
واضيع لامن قال اني حياته
ماهمني من قال وش له تحبيه
وماهمني منهو يعذر بـ صفاته
الله عطاني اياه والله يخليه
لعيوني الي ماتناظر سواته
حتى بلذيذ النوم سوالفي فيه
ياقلبي المجروح بالله هاته
يشوف حالي ويترحم لمغليه
وان مارحمني مستعد لشقاته
والله ماعندي غير سيرته وطاريه
حتى اصغر اخواني درى عن غلاته

ياصاحبي كلي من البعد " مقهور " وش حيلة الي يرتجي لمس " يمنـاك "

أضحك مع ربعي ولاني " بمسرور " سارح بفكري وأشتكي ضيم " فرقاك "

أشتاق لك وأنا على البعد " مجبور " ودي أغمض وأفتح العيّن " وألقاك "

يا أغلى من الخافق وأغلى من العين
وأغلى من غلا شدني باندفاعه

لك وحشه مادري تودي على وين
بس أعتقد شوق وحنين بفظاعه

مشتاق لك شوق الندى للرياحين
شوق يهدد خافقي بانتزاعه

لاعاش قلب كانه ايوم نسيك
ينساك كان الروح تنسى عمرها

رِحْ لـعـل السعـد يـتـلـيـك وظـلالك
ويسعد مـعـك من بـغـيـابـك تريَّـاك

بس ابي ذكراك واطري على بالك
يا مـهـيـج الشوق لا جـت طـريـاك