!! أهدي للي بعدك بيتين !!

الدم فاير وبعـض الخلـق مايفهـم
يقول لي ليه ســــــاكته دام لك كلمة
ياكيف تبغى فـؤاد الصبـر يتــكلـم
والصمت في هالزمن هو قمّة الحكمة

انا وشلون اعيش ان ما لقيتك...تذكرت الغياب وضاق بالي
تعال و قلبي المشتاق بيتك...فرشت الورد لقدومك يا غالي
زرعتك للوفا ظل و جنيتك...تذوب الشمس و غصونك ظلالي
تجول بخاطري لامن طريتك...اماني ما لها اول و تالي

سولف وانا اسولف من الراس للراس * ياصاحبـي وانتـه تعـرف الحكايـه

الحبر دم وساحة القلـب قرطـاس * واكتب من هجوسي حروف الوصايـه

الصمت ماهو ياريش العين نومـاس * والهـرج طبـي ياغـلاي وهوايـه

والشعر من هم ومعانـاة واحسـاس * ماجيت لـه يانـور عينـي هوايـه

انا الوحيد اللي يحبـك مـن النـاس * صـدق الغـلا ماهوبكـذب ودعايـه

حب عتيبي ماطـوى قلبـه اليـاس * ولاغيـرو عشاقـة الـراي رايــه

سافرت لك تسبق خطـاوي الانفـاس * ونسيـت لعيونـك شقـاي وعنايـه

جيتك معاليقي مـن الوصـل يبـاس * وملامحي مـا ا ستوعبتهـا المرايـه

اقرب قريب يقـول لابـاس لابـاس * ولاعـدوي حطهـا بــي وشـايـه

وانتـه تودينـي بعيـدات الارمـاس * بيـن البدايـه واحتمـال النهـايـة

كني وريث كليب في حـرب جسـاس * هـذاه كـان انـك قريـت الروايـه

الزير حاربهم علـى قـب الافـراس * وانته على القلب احترفـت الرمايـة

العـام حبـك مالـه حـدود وقيـاس * واليـوم مـن ظلـم المحبـه كفايـه

ان ما نظمت مع الذهب عقد الالماس * ما ابغى سنا ضـوك ينـور سمايـه

وينك صار لك كم يوم منت باين
بعد ماكنت اصبح وامسي برسايل
وينك وش اللي غير حالك
وش اللي مكدر امواجك
قلي ابي اسبح في بحر قصايدك
ابيك انت وحدك
بس اوعدك اني
اقفل صندوقي الخاص دامك غايب عنه
وينك يانور هالكون

هذا السفر صورة فراق المحبين * ياللي تهلين الدموع بغزارة

ماعاد باقي دمع في داخل العين * مغير صوت الحزن تارة وتارة

لاتسأليني يوم اسافر على وين؟؟ * هذا قرار القلب هذا قراره

شاف الوصال محال ياشيخة الزين * واشار وانا صرت رهن الاشارة

لوكان لديار المحبة عناوين * سافرت بك والحب عينك دياره

رحلت وخيول المفارق ميادين * في داخلي والقلب خلوه غااره

ناديت كن ايامي تقول بعدين * وانا تجرعت الفراق بمرارة

ولاغرامك معي وسط الشرايين * من قبل اعرف الشعر قاف ومهارة

اجتاحني ولاخضع للقوانين * ثم استحق اللي بغاه بجدارة

لايابعد كل الربوع الموالين * ويانور كوني قبل يطلع نهاره

بيني وبينك ياغلا مثل مابين * روح بدويٍٍ وارثٍ عشق ناره

لكن عزاي انك عن القلب تدرين * ياللي تهلين الدموع بغزارة