يا لعنبو اللي ما يسطرك بنعال .. حتى يعلمك الغزل يا بهيمه

البارحهـ جانيـ مـن :: الحـب :: مرسـالـ
من عقبـ ما بينـيـ وبينـهـ " خصيمـه "

وانا ترى في الحـب مانيـب :: فعّـال ::
ولا بعـد " ولّـع " بقلبـيـ هشيـمـهـ

ولا بعد غنّيتـ فـيـ ساعـة " وصـال "
ولا بعد ذقـتـ " الفـراق " وجحيمـهـ

ولا جرى دمعيـ على الخـد :: همّـال ::
ولابعـد جربـتـ " مــرّ " الهزيـمـهـ

حتى وردنـي تالـيـ الليـل :: جـوال ::
وانا على // شاهي " وبسكـوت ديمـه " //

الرقم _ بايخـ _ لكـن الصـوت _ قتـالـ_
كنه مثل صـوتـ المذيعـة " حليمـه "

قالت : مساء الخير يـا طيّـبـ الفـالـ
قلـت : رحبـيـ ترحيبـةٍ مستديمـهـ

بالعود " والصفـريـ " ودلـة " وفنجـالـ
واجبك يا : بنت الأصـول الكريمـه :

ردتـ بضحكة ثم قالت : وش الحـالـ ..؟
قلت : اشهد إنـ الحال عقبكـ سقيمـهـ

قالت : وهي تضحكـ بعد مثل " الأطفال "
وانـا بعـد كنـي بدونـكـ " يتيمـه "

منـ يـوم قالتهـا : تزلزلـت زلـزال :
من فجعتيـ كنـي مسـوي :: جريمـة ::

قلت : ارفعي صوتكـ ترى مابه " ارسال "
" كـذاب " لكـنّـ المصيبـة عظيمـة

قالت : أقول اسمعـ ترى هرجنـا طـالـ
ممكـنـ تصاحبنـيـ ترانـيـ وسيمـه ..؟؟!

واسميـ الحقيقي أولـ حروفـه :: الـدال ::
لكـن يسمّونـيـ البنـات " الزعيمـه :

صحيحـ أحب الفخفخة و : اعشق المال :
لكـنـ ترانـيـ : طاهـرة مستقيـمـة :

ما عنديـ امغازلـ ولا _لعب يهّـال _
ما عنديـ إلا في " الشرف " و " الحشيمـة "

بسـ الصراحة :: قلبي :: لشوفتـكـ مـالـ
واصبحت وحدكـ جالسٍ فيـ ::صميمه ::

فكّر بعقلكـ واتركـ : القيـل والقـال :
واحذر تطيعـ اهلـ : العقـول العقيمـة :

وارسلـ علي الحينـ " خمسميـة ريـال "
أشحنـ بهـا جـوال أختـيـ " غنيمـه "


أو" طقم غالي " فيه خاتـمـ وسلسـالـ
أروح بـهـ فـيـ : عـرس ولاّ عزيمـة :

قلت : الحقيقة مانيبـ رجـل أعمـالـ
ولآنـيـ بتاجـر والمـوارد عديـمـة

أنا الصراحة شبـهـ : عطّـال بطّـال:
وعلاقتـيـ بالفقـر جـداً " حميـمـة "

والراتبـ الله : يرحم الحـال : مـا زالـ
محـدود والمصـروفـ ربـي :: عليمـه ::

: والدين بـالآلاف : والبنـكـ شغّـال
ياكـلـ : فلوسـي بالربـا " و "الظليمـة :

و" السوق طايح " والغلا ضيّـقـ البـالـ
والموتـ والله صايـر اكبـر" غنيمـة "

قالت: تحمّلـ بـس والحمـل ينشـالـ
خلكـ شديد الباس : صلـب العزيمـة :

ياخيـ تصرّف جعلكـ تصيـر " نشّـال "
أهـم شـيـ إنـ " النوايـا سليـمـة "

لابد تفهمنيـ علـى كـل الأحـوالـ
ما دمت من أهلـ :: العقـول الفهيمـة ::

قلت: إيه والله فاهمـ اللي على البـالـ
لكن تـرى هـذيـ علينـا :: قديمـه ::

يا بنت هـذا صايـر اليـوم مـوالـ
لليـ تبي تلعبـ علـى " ابـن اللئيمـه "

يا بنت ما تدرين كـمـ فيـهـ :: محتـال ::
يلعبـ على الحبلين وانتـيـ " غشيمـة "

يا بنتـ كم منـ "جاهلة " دمعها سـالـ
من عقب ما جاتـ العواقبـ " وخيمـة "

والبنتـ لا اقفى عرضها بيد :: الأنـذال ::
والله مـا يبقـى لهـا أي قيـمهـ

قالت : تبي ولاّ فخلّك علـى جـالـ
مهوبـ ناقصـ نصايـحـ " حكيمـة "

عز الله إنكـ للأسف منـتـ :: رجّـال ::
وانك : قليلـ الذوقـ ما فيـكـ شيمـة :

// يا لعنبو اللي مـا يسطّـركـ " بنعـال "
حتـى يعلمـكـ " الغـزل " يـا " بهيمـه " //


:: تفو :: عليك وصكّت الخط في الحال
مدري :: تفو :: هي مدح ولاّ شتيمـهـ ..؟!!

::منقـــــــــــــول ::

صح لسانك ابو حمود

ماشاء الله عليك .. ابدعت في ماخطته يداك
وصدق حرفك الرائع ... قصيدة جميلة ..
تستحق التصفيق ..

لا هنت ولا هان قلمك

تقبل مني كل تقدير واحترام

صح لسانك يالغلا

متميز دااائما في الطرح

لا حرمنا روعة مواضيعك خي

مشكووووووووووووووور

[الف تحيه وسلام لجميع الاعضاء وتحيه خاص للاخ (ماجد) يسعدني ان اكون عضومن اعضاء المنتدى ويسعدني اكثران اكون مقبول لدى جميع الاعضاء وانا لدي مخزون كبيروكثير من مواضيع ومعلومات يهمني ان اناقشها واخوض فيها قديقول البعض عني فيلسوف اومثقف زياده عن اللزوم (ههههههاا) مخزوني الفكري والثقافي جمعته الامس ليكون هويتي اليوم وفالختام تقبلو مني خالص التحيه والاحترام اخوكم اليوم غيرالامس

مشكووووووووورين اخواني على مرووووكم


واخوي اليوم غير الامس
حياك الله بينا وننتظر جديدك

يعطيك العاااافية ابوحمود على هذا الابداع

وهذذاا ليس بغريب عنك وعن ابدااعك