ياعتيبه الهيلا صناديد الابطـال

بسم الله الرحمن الرحيم


السلام عليكم ورحمة الله وبركاته





هذه القصيدة قالها الشاعر تركي الديحاني بعد الاحداث اللي صارت بين قبيلة مطير حمران النواظر وعتيبه الهيلا بسبب شاعر المليون

ياشاعر المليون حطمت الامـال
----------------------------منت الطموح اللي نبيـه ونريـده

سببت لك فتنه على روس الاقذال
----------------------------وراحت ضحياها القلوب البليـده

ناسٍ تحسب المسأله ساحة قتال
-----------------------------وكلٍ على الثاني يحد الحديـده !!

ياناس ياعالم هذا الحكـي بطـال
----------------------------والمسأله مغيـر ذوق وقصيـده

الشاعر اللي يعجبك كـل ماقـال
---------------------------ارسل على شانه رساله وحيده !!

فزعاتنا ماهي بتصويـت جـوال
-----------------------------فزعاتنا حطّت حكومه رشيـده !!

حنا قبايل نجـد ذربيـن الافعـال
----------------------------اصغر ورع فينا عن امية وليـده

وياعتيبه الهيلا صناديد الابطـال
---------------------------حنا مطير اهل العلـوم الفريـده

حنا سما عالي كما الغيث همـال
--------------------------وانتو الجبال الراسيات الشديـده

وانتو فعايلكم تـدرّس للأجيـال
-----------------------------وحنا وصلنـا للنجـوم البعيـده

رجالكم على العدو سيف سـلال
------------------------------ورجالنـا دايـم عـدوّه فقيـده

انتم وحنّا كالبناخي مـع الخـال
----------------------------الطبع واحـد والعلاقـه وطيـده

مطير وعتيبه تقل نسـل رجـال
--------------------------------كـل البدايـد تعتبرنـا بديـده !!

وان عودت شعر وقوافي ومـوال
------------------------------انتـم عواميـده وحنـا رصيـده

شعاركم اهل الجزالـه والامثـال
----------------------------وشعارنا الشعـر نفسـه تزيـده

فيكم حبيّب والفحـل ابـن هـذال
-----------------------وفينا سعد سلطان وتركي الوليده

شعار صح وابياتهم كلها اجـزال
--------------------------وقصيدهم يزيد سعـر الجريـده

نبقى على روس النوايف والاقذال
-------------------------وياشاعر المليون ماهي جديـده

مطير والعتبان حطّـووك بالعـال
-----------------------------ومن دوننا رصيدكم عالحديده ؟!


صح لسان الشاعر تركي الديحاني

صح لساان تركي الديحاني

وعتيبه ومطير اخواان مـافيها كلام

ومشكووور يابو حموود

مشكووووووووووور
ابو حمود على هذه القصيدة الذي أثلجت صدري يعطيك العااافية

الله يبيض وجهه شاعر وصح لسانه
والله يسلمك

صح لسان الشاعر تركي الديحاني

وصح لسان ناقله ابو حمود

ونعم والله بالعتبااان


ويعطيك الف عافيه اخوي على القصيده وبيض الله وجهك

وتقبل مني كل تقدير واحترام

صح لسانه صدق يوم قال
انتم وحنّا كالبناخي مـع الخـال -الطبع واحـد والعلاقـه وطيـده
نسلم يمينك يابو حمود