قلوب من زجاج

الجزء الثاني

وصلت السيارة لقدام بيت بويته رايح نصها .. والباب الابيض الحديدي فيه اثار الصدا ..
سعود : انزلي
جنا : مارح تنزل معي
سعود : لا .. سلمي واطلعي انا انتظرك هنا
جنا : طيب سلم على بابا !!
سعود بعصبيه : انزلي
نزلت جنا بقهر من تعاملة الزفت معها
دقت الباب وضربته كم مرة ..

رنا من داخل البيت بعربجه : زيييييين زييييييييين
فتحت الباب ودخلت جنا وحضنتها بقوة
جنا : مرررررررة وحشتيني يا بقرة
رنا : وييـــــعه جنا شهذا ؟؟ ايش لابسه ؟
جنا : مو حلو ؟
رنا : الا يهبــــــــــــــــــل يجنن .. والا ايش المكياج ذا ؟؟ اذبحك ان قلتي انتي مسويته
جنا : هههههه لا مو انا .. الا وين امي وابوي ؟
رنا : امي داخل وابوي في الشغل
جنا : يووووه حسافه كنت ابي اسلم عليه
دخلت جنا البيت وشافت امها تغسل الثياب في الحمام " الله يعزكم "
جنا : ماامااا اشتقت لك
طلعت لها امها بعد ما غسلت يدها من الصابون : وينك من الظهر انتظرك
جنا : ههههه الله يخليك يا يمة وين الظهر تونا قايمين من النوم ورحنا على البيت جدة سعود .. اما يمة ماشاء الله عليهم ياربي .. قصر هذا مو بيت .. شي خيالي .. والا ثياب البنات واشكالهم .. ملكات جماااال .. مو يا حسرة علينا حنا ..
ام جنا : آآآآه لو قلنا آآه لبكرة مارح يفيد الله يجازي اللي كان السبب .. المهم .. انتي شخبارك وشخبار سعود ؟
جنا : الحمدلله تمام
ام جنا : وينه ليه ما دخل .. لا يكون تاركته برة ؟
جنا : هو اللي ما يبي يدخل
ام جنا : يا قلبي عليه اكيد ما يبي يدخل بيت مافيه رجال ..
جنا في خاطرها " ايه هين "
ام جنا : طيب ومتى سفركم ؟
جنا : بعد يومين
رنا : وين بتروحين ؟
جنا : تصدقين مدري ههههه
رنا : اكيد فرنسا والا امريكا
جنا : ههههههههه
قعدوا يسولفون ولا همهم .. شوي يدق باب البيت
رنا وهي قاعده مع الفصفص : اكيد هذا ابوي
ام جنا : قومي قومي افتحي الباب .
قامت رنا فتحت الباب بعفوية وطبت في اللي تحسبه ابوها :هلا والله نور البيت
انتبهت بريحه العطر الغريبه ... بعدت نفسها بسرعه وقلبها زادت قوة نبضاته : آ ... آ ... آسفه
سعود ينفض ملابسه بيده.. انتبه لها بالبنطلون الجينز و التي شيت الوردي
وخرت عند ورى الباب : بغيت شي ؟
سعود : وين جنا
رنا : داخل
سعود بعصبيه : نادي لي اياها اتاخرنا
رنا اتنرفزت من عصبيته : اففف لا تدف زين
سكرت الباب ونادت جنا وطلعت له
سعود ابتسم لجراءتها .. ما درت انها بكلمتها ممكن في لحظة هي واهله في الشارع

سعود في السيارة مع جنا بعصبيه : ما قلت لك 5 دقايق واطلعي
جنا : ........
سعود : مو ممررلك ياها على خير .. اجل انا اوقف برى في الحي القرف ذا
جنا في نفسه " وييه عليك خكــــــــــري "

مشوا للفندق عشان سفرهم بعد يومين ولازم ترتب الشنط

في الفندق ..

سعود : بكرة تجهزين عمي خالد عازمنا على الغدا
جنا : اوكي
سعود : روحي ارقدي يلا
جنا لفت عنه ومشت وتقول في نفسها " افففف منه ... متى بيحسن معاملته معي ... لسة ثاني ليله ويكلمني كذا .. حرام عليه انا شسويت له "
مسحت وجهها بمناديل المكياج وراحت بعدها غسلت وجهها .. بدلت ملابسها وانسدحت على السرير .. خانتها دموعها و نزلت على خدها البارد وشهقاتها طلعت

انتبه لها سعود اللي كان قاعد يدخن في الصاله

يا الله .. ذا اللي كان ناقصني .. تجيني وحده بكايه .. افففف من دلع البنات

طنشها وكمل شفط في سيجارته .. بس مو هو اللي يتزوج غصب عنه !!
دقيقه عن دقيقه تزيد شقهات جنا .. بس للحظة سكتت ... خاف سعود لا يكون صار لها شي ..!!

قام بسرعه وفتح الباب لقاها قاعده على الارض ومسنده ظهرها على السرير وراسها بين يدينها
راح لها : جنا شفيك
جنا : ............
سعود قرب منها ونزل نفسه لمستواها : جنا ... شفيك تصيحين
جنا : اتركني بحالي لو سمحت
سعود : طيب .. تعشيتي ؟
جنا : ايه
سعود : طيب .. " مسك يدها " قومي معاي
جنا وقفت معه وسدحها على السرير و غطاها وجلس جنمها لين ما نامت

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

على الساعه 10 ... طلعت ريم من البيت وراحت عند اروى تاخذها ويروحون الظهران مول
اروى و ريم دخلوا المول عادي وراحوا على الحمامات .. كل وحده عدلت شكلها وغمقت المكياج وطلعوا
العبايات مفتوحة .. الطرحة مرمية على الشعر باهمال .. والنظارات الشمسية على الشعر والكعب يطقطق بخفه على البلاط

ريم : ههههههههه .. شوفي ذاك اللي قاعد في الكافيه
اروى : هذا اللي انلحس مخه جد ... اقول خل نروح نقعد في الكافيه
ريم : يلا

راحوا للكافيه وقعدوا ورجل على رجل واخر دلع
قام لهم وراح جلس على الكرسي
ريم بدلع مايع : خير ؟
مشاري : اموت يالدلع
ريم ابتسمت بخبث وطالعت في اروى المشغولة بالجوال وكملت بدلع : بغيت شي ؟
مشاري : بغيتك يا حلو
اروى لاعت كبدها منه ومن شكله : لا بعد ياريتك حلو .. وجاي تغازل بعد ؟
مشاري انقهر منها بس سكت لان لسانه ذاب لمن شافها .. احلى من ريم بكثير

قامت اروى وسحبت ريم معها وصاروا يمشون والشباب حولهم من كل مكان

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في نفس الوقت في الفندق عند سعود وجنا

سعود : جنا انا طالع جيان تبين شي ؟
جنا : سلامتك
سعود بابتسامه : لا تسوين فطور .. انا بجيب لك احلى فطور
جنا ابتسمت لابتسامته وحمدت ربها انه اسلوبه تحسن معها : اوكي
سعود : يلا باي ... " باسها على جبينها وطلع "

اتنهدت جنا بعد ما طلع
حست براحة لما ابتسم لها .. لكن في نفس الوقت خايفه ما تدوم لها .. ويرجع لطبعه
تذكرت كيف كان امس حنون معها .. شالها وغطاها وقعد جنبها .. ابتسمت انه بدا يحن معها وينتبه لطريقة تعاملة معها

راحت تجهز صحون الفطور وترتب المكان عشان ترتاح ويرتاح سعود معها

عند سعود في السيارة ..

سعود " يحليلها ماتستاهل ... لازم ابدا صفحة جديده وياها وما علي من الماضي "
حرك السيارة واتجه للظهران مول " بوابة جيان "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند الظهران مول

اروى كانت تمشي وتتمخطر وبالكعب ناحية المطاعم مع ريم والعباية والميك اب كل شي ملفت فيها .. حتى نسمة العطر تشمها من بعد 10 كيلو من قوتها

اروى : وينه هذا خويك ؟ خل يجي
ريم : دقيت عليه قال هو عند البوابة وداخل الحين
اروى : اففففف خل نقعد اجل واذا جا نقوله تعال عند المطاعم
ريم : طيب يلا

راحوا عند المطاعم وقعدوا على طاولة عدله
لحظات ودق خوي ريم و جا لعندهم
عبد العزيز : انتو اللي قاعدين قدام ....
ريم : ايه
عبد العزيز : اجل جايكم

جاهم عبد العزيز واروى كانت منسجمة مع البلوتوثات اللي تجيها
عبد العزيز : هاي
ريم : هايات
اروى رفعت راسها تشوفه والتقت عيونهم في عين بعض ... عبد العزيز انهبل يوم رفعت راسها
اروى في داخلها مبسووطهـ على نظراته المتفحصة .. حبت تجننه اكثر
قامت من من الكرسي بدلع وبانت تنورتها القصيرة و جسمها الخطير
: عن اذنكم
قامت وخلت عبد العزيز مع ريم وهي راحت عند جيان تشوف احدث الجوالات اللي نازلة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

في البيت ..

كانت ام فيصل تشرب قهوة الضحى في الصالة الكبيرة للقصر ومعاها صديقتها ماخذتهم السوالف
شوي وتنزل سارة لابسه فستان بسيط حق بيت ورابطة شعرها بشريطة بنفس لون الفستان



انحرجت من شكلها العادي قدام صديقه امها
صح انه شكلها انيق ومرتب وناعم .. بس مو حلوة قدام صديقة امها .. ووحده من اهم نساء المجتمع الراقي بعد امها
حمدت ربها انهم ما انتبهوا لها عشان لا تنحرج اكثر .. طلعت بهدوء لفوق ورجعت نزلت من الدرج الثاني اللي على ناحية المطبخ
قالت للشغالة تحت لها زيت في كوب الفخار اللي في يدها الخاص بالرسم .. اخذته وجت تطلع

ام بندر : انا مستغربة انه سارة ما تجي وياك التجمعات الراقيه اللي نسويها .. مع ان مو ناقصها شي جمال واخلاق وموهوبة
ام فيصل : تسلمين والله لكن تدرين .. مشغولة بالسفرات والدعوات اللي تجيها .. ويوم تكون فاضية تجي معي ..
ام بندر بخيبة امل : اهااا

سارة من بعيد .." هذا اللي كان ناقصني تجمعات راقيه سخيفه " .. طنشتهم وطلعت الدرج بخفه وراحت على جناحها ودخلت غرفة المرسم .. صحيح ما كانت مرتبه .. بس كانت معقولة
في مثل الطاولة المربعه محطوطو في زاوية من الغرفه .. حاطة فيها الالوان كلها بانواعها .. طباشير .. شمعي .. الوان مائية .. الوان زيتيه .. بانواعها واشكالها .. جنبها اكواب فخار شكلها مرة حلو هي مسويتها ومزينتها وحاطة فيها ادوات الرسم من سكاكين وفرش .. وجنبها اكواب فيها الوان الفحم والرصاص باحجامها ..
الطاولة كانت باختصار مليانه وكلها ادوات رسم

اما الجدران ... كانت هي اللي مزينتها وصابغتها بنفسها ومشخبطة عليه بشكل انيق ومرتب
وفي دولاب فيه رفوف حاطة فيهم البويات والصبغ اللي تحتاجهم .. ولوحاتها بالاحجام المختلفه واللي ما يكفي تخليهم فوق بعض على الارض

سارة تخصصها هندسة ديكور .. وسافرت دبي اخذت كورس في تصميم مجوهرات
فصارت تتعامل مع شركات قاعات الافراح وتنسق معاهم وتصمم كوش اراح واحيانا تفي نفسها للازياء .. يعني مجالها في كذا شي

راحت عند مرسمها اللي كان جنب الطاولة المستطيله اللي فيها الالون والفرش و حطت الزيت اللي في الكوب جنبها ولبست المريلة وغطت شعرها عشان لا تجيله الوان
وكملت على رسمتها واللي كانت ناوية تعطيها لشخص عزيز عليها مرة


بكمل اذا شفت ردووود ..
لا تحرموني منها اوكي ؟؟

على فكرة هذا جزء من الجزء الثاني يعني مو بس هذا .. في تكمله 

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

تابع ....

سعود كان داخل جيان ومبسوط ويدندن بصوت واطي .... اختفت ابتسامته يوم شافها تتمخطر بمشيتها وعبايتها المفتوحة والتنورة القصيرة والا البلوزة الضيقه
ما انصدم من شكلها .. لانه عادي عنده بس انصدم لما شافها بذا المكان .. ابتسم ببرود وراح لها
سعود : اراوي !!
اروى وقفت لمن سمعت الصوت يجي من وراها ... مو غريب عليها .. ضحكت عليه واوهمته بحبها له .. كيف ما تحفظ صوته ؟
لفت وقالت بغرور : اهلين بالمعرس
سعود خنقته العبرة : غصبن عني يا اروى
اروى بغرور ومكر : ومن قالك زعلانه .. ذي الساعه المباركة ؟
سعود : والحب ؟
اروى باستهزاء : أي حب ؟ ... وكان في حب بيننا اصلا ؟
سعود : اروى .. اصحي معاي .. الـ ....
قاطعته : انت ما هميتني تزوجت والا لا
سعود وقت مصدوم ... يعني كانت تلعب عليه ؟ ولد عمها من لحمها ودمها تلعب عليه بهالشكل ؟؟
اروى اشرت بيدها بدلع : تشااااااو
وكملت طريقها لداخل ... سعود واقف معصب ومنصدم في نفس الوقت
طلع من المول ولا اشترى الفطور اللي قال عليه .. طلع للسيارة وساق بعصبية وسرعه
لقى نفسة واقف عند الفندق .. نزل وهو مقهور . مكسور .. ذليل .. لعبت عليه بنت ما تعدت الـ 18 من عمرها
طلع للسويت في الفندق لقى جنا تنتظره في الصاله ..
طالعته جنا بابتسامة لانه خزها من فوق لتحت ودخل غرفته ..
جنا " هذا اللي كنت خايفه منه .. رجع اسلوبة الزفت .. الله يصبرني عليك بس "

سعود : " مو انا اللي ينضحك علي يا اروى ... صدق فيصل يوم قال انك لعآآآبه .. كرهتيه لانه خرب خططك مو عشان حاول يفرق بيننا ... لكن ماشي يا اروى .. وراك وراك الزمن طويل .. وما اكون انا سعود الا اذا نفذت اللي في بالي "

جنا واقفه عند الباب .. متردده تدخل او لا ..
" ايش صار عشان انقلب فجاه .. قبل خمس دقايق بس كان يبتسم ومبسوط .. شاللي قلبه كذه ؟ "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى راجه للمطاعم عند عبد العزيز وريم .. لقتهم قاعدين ويسولفون
جتهم بابتسامة ذوبت قلب عبد العزيز : يلا ريم ما تبين نروح ؟
عبد العزيز : وين بدري ما قعدنا معاك
اروى : مرة ثانيه .. يلا لازم نروح
ريم : ترى السواق مشغول مع ماما
اروى : والله ؟ وليش ما قلتي من اول ..يوووه الحين لازم ننتظر
ريم : عزوز ممكن توصلنا اذا مافي مانع ؟
عبد العزيز : اكييد يلا
ريم ابتسمت بخبث لاروى وبادلتها الابتسامة
ريم : بس بنروح بيت اروى .. اوكي؟
عبد العزيز بابتسامة عريضة : اوكي
ركبوا سيارة عبد العزيز العاديه ..ريم قدام واروى ورى عبد العزيز قاصده
دلته ريم على البيت ... وفتحت اروى القزازة وشافها البواب وفتح الباب
عبد العزيز انهبل ..يعني فو\ق ماهي تجنن .. بنت عز .. ياويلي بس
اروى : باي .. وشكرا على التوصيل
عبد العزيز : العفوو
مد يده .. اروى استغربت في البدايه بس ابتسمت وفهمت الوضع ومدت يدها وخذت الورقه
طلعت هي وريم لغرفتها
اروى: شوفي ابن الذين رقمني هههههههه
ريم : ههههههه ادبيه عدل
اروى بخبث : ايه ولا يهمك ههههه ..
دقت رنه وقفلت بس عشان يعرف الرقم ... قعدت ريم معها شوي بعدين راحت بيتها

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند وئام ...

وئام في حديقة القصر فارشة فرشة على العشب الاخضر الجو مغيم وباين رح تمطر .. لابسه شورت قصير وبلوزة كت قصيرة وما اهتمت للجو ومسدوحة على بطنها تشوف اخر موديلات ايلي صعب
شوي تنفتح بوابة القصر الكبير وتدخل سيرة بورش سودا ... ما اتهتمت لها وئام وظلت تتابع الكاتالوج وتشرب من عصير البرتقال

... : السلام عليكم !!
وئام استغربت من صاحب الصوت ... : نعم !!
... : انتي بنت عمي عبد المجيد ؟
وئام وقفت : ايه نعم.. مين انت ؟
... طالعها من فوق لتحت على هيبتها : انا عبد الرحمن
وئام : اهااا .. طيب تشرفنا
عبد الرحمن : عمي موجود ؟
وئام : ايه داخل
عبد الرحمن : مشكورة .. بس ما تعرفنا
وئام رجعت شعرها على ورى بدلع : انا وئام
عبد الرحمن : اهاا .. تشرفنا
وئام : تفضل
عبد الرحمن : زاد فضلك
مشت قدامه بدلع وهو وراها
دخلته القصر الكبير وقالت للشغاله تجهز العصير وهي راحت تنادي ابوها
وئام : دادي .. عبد الرحمن تحت
ابو وليد : ايه طيب جاي

راحت وئام غرفتها اتسبحت وسشورت شعرها ولبست تنورة قصيرة بيربري وبلوزة كوكتيل قصيرة .. حطت ميك اب خفيف و اخذت صندل واطي ونزلت تحت

ابو وليد : ايش تبين الحين ؟ اطلعي غرفتك
وئام اتافافت من طريقة تعامل ابوها .. لدرجة انه حتى عيال عمها ما تعرفهم ؟ قوية الصراحة

طلعت وئام غرفتها وفتحت اللاب توب عز الله طفشها يروح منها
انسدحت على بطنها وفتحت الكام حقة اللاب توب وشغلت الماسنجر

اكبر فخر لناس إني من الناس .. واكبر فخر للأرض ممشاي فيها << وئام

هاي

اكبر فخر لناس إني من الناس .. واكبر فخر للأرض ممشاي فيها << الماس

هايات .. كيفك ؟
وئام : تمام والله انتي كيفك؟
الماس : مو تمام
وئام : لييه عسى ماشر
الماس :  مرة زعلانه على تركي
وئام : لسة ما يعطيك وجه
الماس : ايه .. حرام عليه .. يدري اني احبه واموت فيه .. بس ليه كا يعنيني وجه
وئام : خلااااص طز فيه .. انتي حلوة والف من يتمناك
الماس : ياربي متى يجي يوم السبت .. ابي احكيك عن كل شي
وئام : يلا ترى اليوم خميس يعني بكرة جمعه وبعده سبت .. ما يسوى علينا ويك اند
الماس : ههههههههه

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

جنا : سعود ... سعوود
سعود بصوت كله نوم : هممممممم
جنا : يلا اتاخرنا صارت الساعه 2
سعود : طيب طيب ..
جنا : سعوود مو حلوة نتاخر على الناس يادوب تقوم تتسبح وتلبس
سعود بصراخ : اووووووووف .. طب خلاص قلت لك بـ
قطع كلامة شكلها البريء اللي باينه عليه لمعة الحزن لبسة فستان كوتيل ابيض لين الركبه وشريطة تحت الصدر زرقا .. لابسة عليه جاكيت جينز ازرق متناسق مع الفستان ..
سعود طالع في وجهها بابتسامة : انتي سويتي المكياج هذا ؟
جنا بارتباك : لـ لـيش مو حلو ؟
سعود : لا حلو وناعم ..
جنا ابتسمت بحياء .. قام سعود واخذ المنشفه ملابسة ودخل الحمام
اتجهت جنا للمرايا تشوف شكلها .. بورده خفيفه على وجهها وبلاشر وعلى عيونها أي لاينر اسود وتحته بالازرق وسحبته على نفس طريقه سعود اللي سوالها اياها امس .. صح انها اول مرة تحط ميك اب بس طلع جنان وضابطته مرة
طلع سعود من الحمام وشافها قدام المرايا سرحانه
سعود بنبرة حنونة : يلا جنا البسي عبايتك
جنا : اوكي
اخذت جنا عبايتها الملونة من الدولاب ولبستها ونزلت ورى سعود للسيارة

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سارة : يوووه نجلاء بسرعه تبغي تقولي والا انقلعي برى
نجلاء : يووووؤ ما يسوى علينا جيت افرحك
رؤى : يووووه منك نجلاء خلاص هي رح تعرف رح تعرف ماله داعي تحرقين السالفه .. تعالي معي يلا وخليها تلبس
سارة : يووو منكم خوفتوني .. قولولي شصاير ؟
فهد طالع من غرفته : شفيكم تصارخون
نجلاء : لا تقولها وش قالت لنا ماما عنها اليوم .. خليها ماما وبابا بنفسهم يقولولها
فهد ابتسم : هههههه طيب .. على العموم ولد عمكم جاي بالطريق ما نبي فشايل
نجلاء تخصرت : وليش ان شاء الله وش قالولك بهايم ؟
فهد : هههه يعجبني اللي فهمها وهي طايرة
نزلوا كلهم ينتظرون جنا وسعود .. نزلت بعدهم اروى بكشختها وغرورها المعتاد

لبست بنطلون جينر برمودا ضيق ومفصل على جسمها وتي شيرت فوشي .. لبست صندل فوشي واطي متناسق مع البلوزة وشريطة فوشية رفعت فيها شعرها
طالعها فيصل باستهزاء من فوق لحت بلبسها .. طالعت فيه والتقت علينها بعينه وكل واحد فيهم غرورة يذبح الثاني

فيصل يكلم اروى بعيونه : جاك الموت يا تارك الصلاه
اروى فهمت قصده وخزته ولفت عنه .. تكرهه .. وتكره سعود .. وتكره جنا .. وتكره كل احد يتمنى السعاده لهم

ثواني ويدق جرس الباب
رجع فيصل طالع في اروى اللي المكر ونظرات الاستهزاء واضحين في عيونها
الكل قاعد في الصاله الكبيرة حقة القصر وينتظر دخول سعود وجنا
راحت الشغالة فتحت الباب لهم
سعود : السلام عليكم
ام فيصل : هلا وغلا بالمعرس .. هلا بسعود
سعود : هلا فيك مرت عمي .. شخبارك ؟
ام فيصل : الحمدلله .. اتفضل البيت بيتك
سعود : زاد فضلك
كانت اول علامة سودا في قلب جنا .. انا ام فيصل سفهتها وما فكرت تسلم عليها وترحب فيها
دخلت مع سعود بثقل واخذت الشغاله عبايتها
اروى طالعت في جنا بغرور ومكر " هههههه لو تدرين بلاوي سعود يابنت الفقر كنتي طلبتي الطلاق من اول ليله .. بس ما اكون انا اروى لو ما رجعتك بيت اهلك "

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

عند ريم ..

محمد ينادي من تحت : رييييييييييييم .... رييييييم
ريم انحنت على درابزين الدرج : اففففففففف خير ؟
محمد : تعالي يلا الغدا
ريم : ما تعرف تنادي باسلوب حضاري اكثر .. وبعدين الخدامات موجودات .. كنت ناديت لي وحده منهم
محمد : اقول يلا بس انزلي وبلا حكي فاضي
ريم : افففف .. ما ابي غدا مستغنيه عن غداكم
محمد : ماشي ياريم .. شغلي معك بعدين
جت ام محمد تشوف شهالصراخ .. : خير .. وراكم تصارخون
ريم : اففففف جات العله ...
راحت وتركت ام محمد ومحمد تحت مصدومين من جراءتها ... وصلت انها تكلم امها بهالوقاحة
طلع لها محمد و نيرانه تطلع من اذانيه
مسكها من شعرها بدفاشة : انتي اخر مرة اسمعك تتكلمي عن امك كذه .. فاهمة ؟
ريم : وخر عني . هذا اللي ناقص تشد شعري عشان وحده ناقصة مثل هذي
محمد رماها بقوة على الكنبه لحد ما داخت : هذي امك يالـ .... " مشفر " اللي تبرعتلك بـ ....
قاطعته ام محمد بيدها على فمه : اسكت .. خلها براحتها .. ان شفتك ضربتها مرة ثانيه يا محمد ما تلوم الا نفسك .. فاهم ؟
محمد واقف وعلى وجهه اكبر علامة استفهام .. كيف امه اللي ريم سبتها قدامها ما ترضى له يادبها
طلع ماجد من غرفته وعلى وجهه اثار النوم .. : يوووووه محد يقدر ينام في هالـ ....
فتح عيونه على اخرهم يوم شاف ريم اخته دلوعته مرمية على الكنبه ومغمى عليها وامه ومحمد قدامها ومو مسويين شي

ماجد راح عندها وهزها من كتوفها : ريم .. رييييم
لكن .. لا مجيب ..
خافت عليها امها .. بنتها الوحيده من بين 4 اخوان لازم تخاف عليها
ام محمد : ريم .. ريم يمة
ريم : ..............
ام محمد زاد خوفها ولفت على محمد اللي يطالع ريم بكل استحقار : شفت . هذي نتيجة ضربك .. تعرف انه مايصير توجه لها أي ضربه على راسها خطر عليها هي بالذات تعرف ايش يعني خطر احادث اللي صار لها مو هين
ماجد راح طيران بدل وجاب مفاتيح سيارته وشالها
ام محمد : وين بتوديها ؟
ماجد : المستشفى
ام محمد : انتظر اجي معك .. لا تروح
ماجد : طيب بسرعه
جابت ام محمد عبايتها ولبستها على السريع وركبت مع ماجد

س1 : كيف بيكون حال ريم في الجزء الجاي وايش تقصد امها بالحادث اللي صار لها ؟
س2 : وسعود وجنا كيف بيكون وضعهم في الجزء الجاي
س3 : وئام .. ايش بيكون دور الماس وعبد الرحمن في حياتها ؟
س4 : وايش الخبر اللي محد راضي يقوله لسارة ؟ وهل بيفرحها صدق ؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

الجزء الثالث
الساعه 4 العصر

وسط اصوات الضحك العالية والسوالف في حديقة القصر
سعود يسولف مع فهد وفيصل وام فيصل و جنا مع نوف وسارة ورؤى ونجلاء
اروى كانت بينهم متملله من سوالفهم اللي كانت عن رحلاتهم لاوربا وجنوب افريقيا ...الخ
طالعت في سعود المندمج في السوالف .. ابتسمت بخبث وطلعت لغرفتها للحظات

فتشت في الادراج عنه وما لقته
دورت في سلة الاشرطة يمكن تلاقيه هناك بس ما لقته
بدات تعصب وتفقد صوابها .. وين بيكون راح !!
راحت تدور في غرفه رؤى .. هي الوحيده اللي تعطيها الاشرطة حقتها
دورت و دورت .. ولكن مافي فايده .. مالقته
طلعت من الغرفه مشت في السيب الطويل
دخلت غرفتها وصفعت الباب وراها

اخذت التلفون ودقت من الخط الداخلي لغرفه الخدامات

اروى : ليزا روحي ناديلي رؤى من الحديقة بسرعه
ليزا : اوكي مادموزيل

انتظرتها اروى في الغرفه لحد ما جتها
اروى : وين الاشرطة اللي عطيتك ياها ؟
رؤى : هو بس شريط واحد وفي سيارة فيصل
اروى بعصبية : ما شاء الله .. وايش وداه هناك
رؤى : خير انتي شعندك جايبتني تعصبين علي .. احترمي نفسك
اروى : رؤىىىى .. وين الشريط ؟
رؤى : يا بقرة قلت لك بسيارة فيصل
اروى : وايش وداه هناك ؟
رؤى : يوم رحنا بيت جدي اخذته وسمعناه في السيارة
اروى : افففف منكم محد يعطيكم شي

نزلت اروى وراحت لعند مواقف السيارات .. دخلت سيارة فيصل وقعدت تدور على الشريط

....... : ايش تدورين ؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ام محمد تركض عند الدكتور : طمني دكتور شفيها ريم ؟
الدكتور : جتها ضربة جامدة على الراس وتعرفون انه هذا خطر عليها
ام محمد بخوف : وايش صار ؟
الدكتور : الحمدلله الضربه صح انها خفيفه بس كانت ممكن تاثر على عينها اليسار والدماغ لانهم مرة حساسين .. وانتي تعرفين ليش .. لازم تنتبه من هالناحيه
ام محمد : اقدر اشوفها
الدكتور : ايه تفضلي
دخلت ام محمد لغرفه ريم اللي كانت نايمة تقريبا .. مسحت على شعرها ودمعتها في عينها
ام محمد : الله يهديك يا بنتي
صحت ريم من اليد اللي كانت تمسح على شعرها بحنان .. طالعت امها بقرف بس خلتها تظل تمسح على شعرها لانه مافي احلى من حنان الام
دخل ماجد الغرفه لقى ريم صاحيه وجنبها امه
ماجد : ريم كيفك الحين ؟
ريم : بخير بس احس بشويه دوخة
ماجد : اجيب لك شي تاكلينه
ريم : لا تعرفني ما احب اكل المستشفى خلاص ابي اطلع من هنا واكل في البيت
ماجد : طيب بروح اكلم لك الدكتور عشان الخروج واجي
طلع ماجد من الغرفه وسوى الدكتور اجراءات خروج ريم وطلعت وراحت البيت مع امها وماجد

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى : مو ميته انا عليك عشان اخذ شي يخصك من السيارة
فيصل : يلا اطلعي
طلعت اروى من السيارة ومعها الشريط وباصباعها دفت كتف فيصل حتى حس انه اتعمق فيه : مو انت اللي تطلعني .. فاهم ؟!
دخلت القصر وحطت الشريط وطلعت لهم .. لقت جنا بين يد سعود .. جالسه جنبه وحاط يده وراها ماسك كتفها ويسولف مع البنات .. حست بالقهر .. هو يكرهها .. ليش يلسمها ويقرب منها
جت عندهم بكل غرور وتتمخطر مع الموسيقى اللي مالية الحديقه جلست جنب نوف اختها بدلع
اروى بدلع ومجاغه : شرايك جنا بالموسيقى
جنا : حلوة مرة وصوت اللي تغني اروع
اروى : هذي انا .. انا اللي عازفة وانا اللي اغني
جنا : جد والله ؟ صوتك روعه مرة ماشاء الله
سعود سكت لما شاف اروى .. انتبه لكلمات الاغنيه .. يموت فيها ويموت في ذا الشريط بالذات عنده نسخه منه ومحتفظ فيها

خد بالك عليا دي مش معامله تعملني بيها
وابقي افتكر ليا ايام تعبت عشانك فيها

ياريتك بس تفهمني ومتستهونش
دي الواحده بتبقي مجروحه ومبينش
دي الواحده قد متضحي وتستحمل
اول ما بتفكر تنسا مبتستاذنش
" مهما كانت الاغاني تعبر عن مشاعرك يا اروى .. فانا عارف انها كذابه "

طالعها وخزها وكمل سواليفه مع سارة ونوف ونجلاء ورؤى

نجلاء : اييييييييه ما قلت لك سارة بتصير عروس
مسكت فمها بعد ما خلصت كلامها .. " يوووووه على زلة لساني .. كان لازم اقوله يعني اففف "
سارة لفيت عليها بصدمة ..: ايييش ؟ .. من متى ان شاء الله ؟
رؤى : وجع في شكلك يا حيوانه يا نجلاء .. هبله خربتي السيربرايز
سارة : خوش سيربرايز بصراحة .. انا كم مرة قلت لا تجيبون هالطاري
نوف : سارة خلاص هدي .. نتناقش بعدين

راحت سارة عنهم ودخلت مرسمها .. ملجاها الوحيد في الحياه .. لوحاتها هي اللي تفهمها .. تفهم مشاعرها اللي ترسمها فيها .. تحط مشاعرها في لوحة بيضا .. اثرها باقي في قلب سارة .. لكن من تنشف كانها نشفت في قلبها..جفت وتفتت وجت مكانها مشاعر ثانيه ..

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
الساعه 8 الليل ...
الماس : وئام افهميني .. ما عندي جرأه اجي بوجهه عشان تقوليلي صارحيه فيس تو فيس
وئام : اجل انتي مو وجه حب .. اللي يحب ويبي مشاعر متبادله يروح يعترف بحبه ويصير اللي يصير
الماس : ما اقدر .. ما عندي جرأه
وئام : طيب اذا جا مثلا تركي قدامك طالعيه .. لمحيله
الماس : ومن قالك اني انتظره يدخل عشان اطالع فيه .. اول ما اسمع انه دخل انحاش .. ما اقدر اطالع فيه .. تخونني الجراه والله
وئام بتفكير : مممم .. لقيتها
الماس : بشري
وئام : اكتبي له رساله وحطي حرتك فيها واكتبي كل شــــــي
الماس : مممم فكرة والله .. وشلون اعطيه ياها
وئام : مممممممممم ... قولي لاي احد بزر في العائلة يروح يعطيه اياها
الماس : بزاريننا يفتنون
وئام : وحده من الشغالات !!
الماس : ممممممممممممم طيب بشوف
وئام : ايوة .. ايش بعد ؟
الماس : ولا قبل ..
وئام : .........
الماس : ............
وئام : في ايش تفكري ؟
الماس : وايش دراك اني كنت افكر ؟
وئام : صديقتك من المتوسط 6 سنين معك ما تبيني اعرف متى تفكري ومتى لا ؟
الماس : ههههههه .. كنت افكر في تركي
وئام : ياذا التركي اللي نشبت فيه الماس بنت الماسي
الماس : هههههه اموت فيييييييه ايش اسوي ...
وئام : هههههه الله يثبت عليك العقل يارب
الماس : ههههه امين
وئام : يلا الماس انا اكلمك وقت ثاني .. وقوليلي التطورات اوكي؟
الماس: اوكي
وئام : باي
الماس : بايات

قفلت وئام من الماس ... وقفت عند المرايا تطالع شكلها
شعرها الناعم اللي يوصل لين اكتافها .. وعيونها الرماديه وشفايفها الورديه وخشمها الصغير المتناسق مع ملامح وجهها
غمقت الحكل اللي في عيونها الرماديه
سمعت طق على الباب
وئام : تفضل
دخلت الشغاله : miss we2am madam says u should come to dinner now
وئام : ok
نزلت وئام ودخلت غرفة الاكل .. شافت اكل قاعد وينتظرها .. قعدت مكانها والهدوء ساد المكان

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

اروى باستغراب : انت برى ؟
عبد العزيز : ايه
اروى : أي باب
عبد العزيز : الباب الخلفي بس عشان البواب ما يسويلي سالفه
اروى : اها
عبد العزيز : يلا اطلعي باوديك مكان خيالي
اروى : مو الحين
عبد العزيز : ليش ؟ مشغولة
اروى : تقريبا
عبد العزيز : طيب بس اطلعي ابي اشوفك بس
اروى : طيب ..
عبد العزيز وعرضت ابتسامته : انتظرك
سكرت اروى منه وطلعت من الباب الخلفي
عبد العزيز وهو واقف عند الباب : يا هلا والله
اروى : اهلين
عبد العزيز : الحين انا بخير .. بس لاني شفتك
اروى ضحكت بغرور
قرب عبد العزيز منها وانفاسها اختلطت مع انفاسه
ارتبكت اروى من قربه الزايد حاولت تدفه لكن منعها جسمه الصلب القاسي
رجعت على ورى : يلا باي
عبد العزيز : وين ؟ لسه ما شبعت منك
اروى : بتشبع المرة الجايه .. الحين باي
قفلت الباب ولفت تبغى ترجع للقصر لكن يد من وراها منعتها .. لفت تشوف مين هذا اللي ماسك يدها بالقسوة والجفاف ذا
.......... : لسه في بعد مرة جايه ؟

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

ريم : ماجد قفل الباب وبليز ما ابي احد عندي
ماجد : اوكي
طلع ماجد وقفل الباب وراه ونزل للصاله عند اخوانه
محمد : كيفها الحين
ماجد : لا والله ؟ .. احلف .. تضربها وترميها على الكنبه ولمن تتعب تقول كيفها ؟
محمد : تستاهل اللي جاها .. اجل احد يكلم امه بسفاهه ويقولها عله
ماجد : اضربها في أي مكان ثاني بس مو ترميها كذه وراسها يخبط على الجدران .. تعرف انه مو زين لها
قاطعتهم امهم
ام محمد : يلا تعالوا العشا ..
طلعت تنادي ريم
سمعت ريم تضحك وتسولف ..
ريم : ههههههههههه لالا حصل خير .. لا لا تتعب نفسك ماله داعي
دخلت ام محمد الغرفه : ريم حبيبتي ما تبين عـ ...
قاطعتها ريم : كم مرة اقولك دقي الباب قبل لا تدخلين ... وما ابي اتعشى اطلعي برة
ام محمد : طيب اطلع لك الـ ..
ريم : يوووووه قلت خلاص اطلعي ما ابي منك شي من وين تفهمين انتي نفسي اعرف
طلعت ام محمد من الغرفه بخيبة امل .. قعدت مع اولادها على الطاولة تحاول اكل .. بس نفسها مسدوده
ياسر : يمة شفيك ما تاكلين ؟
ام محمد قامت من على الطاولة : كلوا انتو بالعافيه انا ماابي اكل
طلعت لغرفتها وساد البيت السكون

; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
قلوب من زجاج
; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;

سعود : قلت لك مين هذا ؟
اروى : وانت شكو .. يكون مين ما كان .. انت عليك بزوجتك مو بنت عمك
سعود شد على يدها : اروى لو ما قلتيلي هذا شيبي وليش جاي الحين اكسر لك يدك وما تلومي الا نفسك
اروى : لا تصدق خوفتني .. مو انت يا بابا اللي تقول لاروى هالاكلام .. فاهم .. " وكملت باستهزاء " واذا تبي تكسر يدي .. يلا اكسرها
سعود اشتعلت النار في قلبه .. مغرورة .. واثقه بنفسها مرة .. متكبرة .. وفوق هذا خاينه
ترك يدها ومشي بعيد عنها

سعود : يلا انا استاذنكم
فهد : وين بدري ؟
سعود : لا والله لازم نروح عشان نجهز لسفر بكرة ... يلا جنا البسي عبايتك
جنا : اوكي
راحت جنا لبست عبايتها وراحت مع سعود على الفندق

س1 : كيف بيكون سفر سعود وجنا ؟
س2 : هل بتنفذ الماس خطة وئام ؟ وهل ممكن تنجح ؟
س3 : وكيف بيمشي الوضع مع عبد العزيز واروى في الجزء الجاي
س4 : وكيف بيكون دوام البنات يوم السبت ؟؟ وكيف بيكونون صديقات ريم واروى ووئام ؟؟

بنتعرف على ذي الاشياء كها بالجزء الجاي

هلا والله

مشكور على نقل القصه

واتمنى الضيوف والاعضاء يراسلوني عبر الايميل التالي : [عزيزي الزائر يتوجب عليك التسجيل للمشاهدة الرابط للتسجيل اضغط هنا]

اذا حبوا انهم يراسلوني انا " كاتبه القصه "

واتمنى الجميع يتفاعل معها ويبدي لي رايه فيها على الايميل اعلاه

وعذرا على التطفل

تحياتي لك

اهلا بك اختي بنوته

والله قصه جميلة