قصيدة الشيباني خطيب رغد صدام حسين

بسم الله الرحمن الرحيم

كــمــا سمعنا في الايام هذه عن قصة خطبة رغد بنت الرئيس العراقي الراحل/صدام حسين
ومن خطبها اسمه/منصور غازي الشيباني العتيبي ويلقب بــ(منصور الغازي)

والقــصــيـــده هـــي:

]ألا وهني من ثبت على صـدره رغـد صـدام
خذاها بالحـلال و سنـة التوحيـد وكتابـه
خذاها مبهم الغايـة خذاهـا مابـلاه اعـلام
خذاها منفردا بطيب اعروق الساس ونسابـه
خذاها بنت ذاك اللي رفع رأس العرب بوسـام
خذاها مهرة تصهل وبنت حصـان يغـزا بـه
خذاها ما ثنى رجله يسـوق الخطـوة القـدام
تقدم يوم قالت تم ايموت ايعيـش يحيـا بـه
وانا اللي مستعد اقدم لو ازعل معظم الحكـام
أسوق الها المهر لو رأس تون ابلير ترضا به
مبي غيره ولو قالو عليك امن البنات ازحـام
مبيهن لو بهن زين و بنات شيوخ من لابـه
ابي رغد هاذيك اللي اتشاهد لحظـة الإعـدام
تبسم يوم أبوهـا يقـدم للمـوت مـا هابـه
تبادله العياد ابلحظه الموقـف يجيـه الهـام
تبادله الوداع بصوت تفخـر يـوم تبـدا بـه
اتقول افداك يا يابه يا بـو عـدي يالمقـدام
عليك البيض ياالصامد بدون اقناع واعصابـه
عشت بين العرب حاكم متت يا والدي عـزام
عسى ها الكون لك فدوه جميع الناس واحزابه
قويه باس من باس تلازمه الشمـوخ إلـزام
عليها من نعاطيسـه كـرات الـدم تسعابـه
أبيها وأفصح الغاية لابي سمعـه ولا هنـدام
ولا يلزم جمال ولا عليهـا اقصـور جذابـه
ابي منها ثلاثه بس وكل اغلام يفوق اغـلام
ابي من جدهم حنكـه ومنـي هيبـة اعتابـه
ابي في حضنها يرقد حفيد المعجـزة وينـام
وابي عن جده اتسولف قبل ماينـام يسهابـه
ابيه ان نام يحلم به و تكثـر زخـة الاحـلام
واشوف الصبح في طبعه ردود افعال تشابـه
ابي يكبر على ذكره و يتبـع سيرتـه بحكـام
ابي نفس الشجاع اللي سعيد الغـرب بغيابـه
ابيهم للعروبه في ردى الموقف سند وحـزام
ابيهم يفطمـون اللـي علينـا كشـر انيابـه
بوصيهـم ثلاثتهـم سياسـة جدهـم صـدام
ابحق الغراب لو مابه خيانـه جـذت اطنابـه
ابا الاول يحوف الكم سلالة بـوش والاقـزام
يذكرهم حصاد ارواح اهـل تكريـت واقرابـه
ابيه اليا انتخت بغداد انا خت الفارس الجـزام
يقول ايو الله اختي لعنبو من يرخص اترابـه
يهز ابسيفه الكرسي يتـل اموسقـه بحطـام
يقول انه خلف جدي وانا اللي منكـم اولابـه
تمركز واسمه الحاكم على الطاعه ولد خصام
يرد الدار عقب العار علـم بغـداد عـلا بـه
يجدد بالوفا عهد علاقه بيـن شـرق و شـام
عضيد الجار له مقدار حريص الذيب لذيابـه
عزيز للعرب عـزه حشيـم لا لفـوه احشـام
عقوبه للعميـل ايمـوت سـم الـداب دابـه
وبا الثاني فتى الاقص ى يعوض ماخذاه اعوام
تصيح اعلى المأذن بالله اكبـر لاتمثنـا بـه
يشب النار فوق النار و يدفن با لنحور اسهام
يحط الرعب بقلوب اليهـود ويقفـل ابوابـه
ابي صدر العرب يطوي مسافه عاشها منصام
ابيه ايفوز بالتحرير و نصر القدس يهنا بـه
و با الثالث تحت يمنى مليكي خادم الاسـلام
عظيم الامه القايد ابـو متعـب فخرنـا بـه
هذاك اللي ليا حامت خصومه دون داره حـام
كفخ صقر العروبة دون شعبه يفتـل اشنابـه
ليا بادر يعبر عن قـراره فـي رؤوس اقـلام
يكفي هيبته جالس و كلن يحسـب احسابـه
و انا في حب ابو عابد حرام اني اهيم هيـام
اقبل صورته و اطلـق حفظـه الله لاحبابـه
ابيه ايكون له خادم تحت امره رفيـع الهـام
ايقبل كفـه اليمنـى اوامـر سـم و مجابـه
ابي يحرص على شوفه يحط الزام عقب الزام
ابيه يصير لو ربع الزعيم اللـي يحفـوا بـه
و هاذي منتهى الغايه ولكن قبل اقول اختـام
ابرسل خـط برقيـه يعـد اللـي نوينـا بـه
بدزه عاجل و سري عليه من اليميـن ارقـام
بيانه جمله تبغى الستيمـه يمسـك اعصابـه
بجي يا عاهل الاردن تحرانـي خـلال ايـام
نسوق لك المواتر من جنوب الـدار خطابـه
تحراني عسى ربي يجنبنـي حبـر و ابهـام
اما اني جيتكم طالب أونـي ضعـت بطلابـه

مشكورعلى القصيدة الرائعه



ويعطيك العافيه

مشكوووور على المرور يالمهــاجر

يعطيك الف عافيه يالغلأ

على القصيدة الرائعه


لاعدمناك يالغالي


تقبل تحياتي

مشـــــــــكور يامــــــــــاجد

على المرور

نورت المتصفح