سجــل دخــولــك اليومي بــا(بيت من الشعر)

ياهم! أشوفك (معتلي) راس (القلوب الطيّبـة)
هو مالقيت بـهالزمن لك بيت غير الطيبين؟!
رح للقلوب اللي (مباديها) غَدت .. (متسيّبـه)
(يمكن) تحس بقسوتك ياهمْ وبلحظـة تليـن!
إرحل .. ترى كل ٍ شكى همك .. وكل ٍ غيّبـه
والمشكلة .. مهما تغيب بدون ماندري تبيـن
ضيّقتنا .. لين الوجع شبّ الخفـوق و شيّبـه
والضيق .. ياكوده ليا منه دخل وسط الحنين.!

يارحيلٍ حط بالخافق سهـام
تاركٍ ضيم السنين الموجعه
حزن واهاتٍ وعينٍ ماتنـام
وليل قاسي والدموع مروعه

اتبع حساسي واشوفه يتبعك يمشى وراك

واكتشفت العمر صحرى وانت بسنينه زهور

كل ما فيني مشاعر صادقه تخلص معاك

سر حبي لك حنانك بتبعه من غير شور

نـويـت أوســع الخـاطـر وافــرج هـمــي المـكـبـوووت

وتـركــت أركـابــي تـاخـذنـي لــــدربِ هــــي تـوديـنــي

وحـاول أجمـع أفـكـاري وفـجـأة تحتـضـر وتـمـوووت

ووقـــف كـــم دقـيـقــة صــمــت أدور مــــن يـعـزيـنـي

مغفره وذنوب , والساعه بلا تُوبَه تدور

السنه صَارتْ سَريعه حِيلْ , وأحْسِبْهَا شهر

عِذتْ أنا مِنْ شَرْ خَنَّاسٍ يوَسْوِسْ بالصدور

وما بكيت إلا لوجه الله في ليلة قدر

تِختصر مَعنى حياتِكْ كيف تَبني لِكْ قصور!

أحْتِرم رايك وهذي تُعتبَر وجهَــة نظر

زين طيِّب .. دام تِدري إنَّ لِكْ رَبٌ غفور

ليه ما صَلِّيتْ لَجله وما رفعت إيدك شكر!؟

حَدِّث العاقِلْ بمَا يُعْقَل ..وفي قلبٍ جَسُور

وإنْ خطيت بحق غيرك روح قدِّم له عذر