ياربعنا ياللي على الفطر الشيب

ياربعنا ياللي على الفطر الشيب

--------------------------------------------------------------------------------


اليكم هذه القصيدة للشاعر / شالح بن هدلان القحطاني

وهي من اروع القصايد القديمه والرائعه







ياربعنا ياللي على الفطـر الشيـب
عز الله انه ضـاع منكـم وداعـه
رحتوا على الطوعات مثل العياسيب
وجيتوا وخليتوا لقلبـي بضاعـة
خليتـوا النـادر بـدار الاجانيـب
وضاقت بي الافاق عقـب اتساعـة
تكدّر ٍ لـي صافيـات المشاريـب
ووالله شفت الذلّ عقـب الشجاعـة
ياذيب انا بوصيك لاتاكـل الذيـب
كم ليلة ٍ عشّـاك عقـب المجاعـة
كم ليلة ٍ عشّاك حـرش العراقيـب
وكم شيخ قوم ٍ كزّته لـك ذراعـة
كفّه بعدوانـه شنيـع المضاريـب
ويسقي عدّوه بالوغى سـمّ ساعـة
ويضحك ليا صكّت عليه المغاليـب
ويلكد على جمع العـدو باندفاعـة
وبيته لجيرانه يشيّد علـى الطيـب
وللضيف يبني في طويل الرفاعـة
جرحي عطيب ولايقى لي مقاضيب
وافختّ حبل الوصل عقب انقطاعـة
كنّي عقب فقده بحامـي اللواهيـب
وكنّي غريب الدار مالـي جماعـة
من عقب ذيب الخيل عرج ٍ مهاليب
ياهل الرمك ماعـاد فيّـه طماعـة
قالوا تطيب وقلت وشلون ابا آطيب
طلبت من عنـد الكريـم الشفاعـة
ذيب ٍ عوى وآنا على صوته آجيب
من ونّتي جضّت ظـواري سباعـه
عزّ الله اني جاهل ٍ مااعلم الغيـب
الغيب يعلم بـه حفيـظ الوداعـه
يالله يـارزّاق عكـف المخالـيـب
يامحصي ٍ خلقـه ببحـره وقاعـه
تفرج لمن صابه جروح ٍ معاطيـب
وقلبه من اللوعات غـاد ٍ اولاعـه
ان ظاق صدري لذت فوق المصاليب
مانيب من يشمـت فعايـل ذراعـه
صار السبب مني على منقع الطيب
ونجمي طمن بالقاع عقب ارتفاعـه
ياطول ماهجّيتهـن مـع لواهيـب
ولاني بداري **رها من اظلاعـه
ياطول مانوّختها تصـرخ النيـب
وزن البيوت اللي كبـار ٍ ارباعـه
واضوي عليهم كنّهم لي معازيـب
اليا رمى زيـن الوسايـد اقناعـه
اضوي عليهم وآتخطّى الاطانيـب
واخذ مهاويـت الجمـل باندفاعـه
ابا انذر اللي من ربوعي يبا الطيب
لا ياخذ الاّ مـن بيـوت الشجاعـه
يجي ولدها مـذرّب ٍ كنّـه الذيـب
عزّ ٍ لابـوه وكـل ماقـال طاعـه
وبنت الردي يأتي ولدها كما الهيب
غبن ٍ لأبوه وفاضحـه بالجماعـه
ياكبر بطنـه عنـد زاد المعازيـب
متحـري ٍ متـى يقـدم متـاعـه




وسلامتكم ،،،،

التوقيع :

مشكووووووووووورهـ يالحن على القصيدهـ الرائـعه

وفي انتظار جديدكـ

مشكوووووووووره
اختي
لحن البلابل


تحياتي لك

كعادتك إبداع دائم و متواصل



نتمنى المزيد

ونعم والله بشالح القحطاني

مشكووووورهــ

يعطيك العاااااافية

عتيبي مطنوخ
خالد عنتر
مساوى
عتيبي انا

هلا وغلا

ارى النور بصفحتي من خلال تواجدكم المشرق

وارى الرؤة فيكم من خلال روعة كلماتكم

أشكركم جزيل الشكر

لا هنت ولا هان قلمكم

تقبلووا شكري

وجل تقديري