سمعت قصه واحدً بالسجونى
--------------------------------------------------------------------------------
سمعت قصه واحـدً بالسجونـى
يقول انا للذبح بالسيـف هايـب
يقول افضل بالرصاص اقتلونـى
والعين من دونه تحول المصايب
لعل بعض النـاس مايعرفونـى
ودى لو التنفيذ والنـور غايـب
انتم عرفتم قصتـى وارحمونـى
اخشى على ابويه تطوله معايـب
لو يعرف انى مـروج للفيونـى
وانى لشره لاهل الاسلام جايـب
مدمن حشيش ومثقـلاً بالديونـى
يدعى على وادعاه لا شك صايـب
لا تخبرون اللى بطبعـه حنونـى
الوالده تكثـر عليهـا المصايـب
اخاف لا دريت يصيبـه جنونـى
وتصير معتاله على راس شايـب
من ضاع عقله ماتقيـد العيونـى
والعقل من رب الخلايق وهايـب
واللى جرحنى وزاد في الطعونى
قلبى عليـه مـن العـام ذايـب
جماعتى مـن لبنتـى قاطعونـى
كيف الفتى ينساه حتى القرايـب
كلـه سبايـب شلـهً دهورونـى
وصار الثمن راسى عليه النصايب
حسبى عليهـم شلـه ضيعونـى
الموت حان وشد يمـى ركايـب
مشيت فى درب السراب مغبونـى
والعقل فى درب المهاميل سايـب
الله يرميهـم مثـل مارمـونـى
موت المهونه شلتى بـه سبايـب
ماطعت يوم الطيبين انصحونـى
ولا ينصح الانسان غير الحبايـب
يالله وامرك بين كـاف ونونـى
خلقتنى مابيـن صلـب وترايـب
عوض على دناى واحسن ضنونى
واغفر لمن قلبه عن الشين تايب
ياللى حضرتم مقتلى سامحونـى
هذى نهايـه قصتـى بالسبايـب
وسلامتكم ،،،،
سمعت قصه واحدً بالسجونى روووووعه
