جيت البدو ثم شفت
--------------------------------------------------------------------------------
السلام عليكم ورحمه الله وبركاته
قصيدة اعجبتني وهي من اروع ما قرأت اتمنى ان تنال على رضاكم
جيت البدو ثم شفت قطعـان الاذوادوبيت الشعـر لازال بالمجـد حيـا
بيت الشعر يملك رصيـدٍ بالأمجـادرمـز الكرامـة والوفـا و الحميـا
يوم الزمن قاسي على كل الأجـوادرمز الكرم بيت الشعر لـه و صيـا
كم خيرٍ من حر مالـه بهـن جـادلو الزمن جوره على النـاس سيـا
وأفيد اللي عن سيرة البـدو نشـادتاريخهـم فـي كـل مجـدٍ غنيـا
للمجد مـن مـاض التواريـخ روادكـلٍ علـى تاريـخ مجـده و فيـا
أيامهم تمضي مثل وصف الأعيـادماهـو نفـاق أفعـال طبـعٍ بريـا
رجالهـم مالـه عـن المجـد ردادلو جار وقتـه وافـي الفعـل عيـا
من أيام قل المال والنقـص بالـزادكـلٍ علـى ضيفـه كريـمٍ بهـيـا
يوم الطعام يجاب من سوق بغـدادوالنـاس بالأفعـال ماهـم سويـا
والطيب يوجد له زعامـات وأسيـادتجـود بالماجـود باللـي تهـيـا
يامـا ذكرهـم بالوفـا كـل قصـادتاريخهـم معـروف ماهـو خفيـا
وأخاف أنا من قول حاسـد ونقـادوإلا ولــد لاشٍ خبـيـثٍ رديــا
الحضر يوجد له تواريـخ وأمجـادكـمٍ شهيـمٍ بالمـراجـل قصـيـا
لا شك من زرعه لـلأرزاق حصـادو يسقيه من جـم القليـب الرويـا
أما البدو ياتون بـه بعـد الأنكـادلكـن الموفـق بالمراجـل شقـيـا
خمسة عشر ليله على الوجه مـدادمع مثلهن يمكـن يصيـر المجيـا
ونوب السلامة عندهم رأس الأفـوادمع الطريق اللي مسيـره مـد يـا
والدور هذا غير والخيـر بـه زادلكن الهـوى بالجـو ماهـو نقيـا
الناس يشكونـه جماعـات وافـراددورٍ على الأجـواد ماهـو رضيـا
قليل بالميـدان مـن ياصـل المـادكل البشـر مشيـه ضعيـفٍ بطيـا
مع سوق الأسهم صارت الناس تنقادولحـدٍ فهـم ممشـاه لعبـة عميـا
يذكر به الهامـور للمبتـدي صـادالظالـم اللـي يأكـل اللحـم نيـا
الناس مطلوبة مـن المـال الأزوادوالـمـال راح ولابقـالـه بقـيـا
المسعد اللي منزله وسـط الانفـادوبيت الشعر ضله عن الشمس فيـا
وإلا نزل في وسط فسيـح الاجـلادورد علـى عـدٍ جوانـبـه طـيـا
ياما ينوض البرق مع صوت رعـادوتهـب بالرحمـة هبـوب السقيـا
ويرحل ومنزاله على كيف مـا رادبأرض خلا ما بـه للأنـوار ضيـا
يبعد عن أصوات المدينة والإجهـادمن القوت في بيته كفـاف الكفيـا
ويركب ذلولٍ فوقه الخـرج وشـدادألـذ مـن قصـرٍ بحـي العلـيـا
وسلامتكم ،،،،،،
الشاعر سميحان السويدي
جيت البدو ثم شفت قصيده روووووووووعه
