||| ் گمل جميلـگ,, ் لـ احمد الصانـع .. |||

мσнάммєđ · 05-28-2009, 07:26 AM

شي يخصك باقي عندي ،، " قلب " من غيرك وحيد .. !!

ما يبي يبقى معاي .. !! .. يا أجيلك أو يجيلك .. !!

يسألوني الناس عنِّك ،، وليه ما أكتب [ قصيد ] .. ؟؟

قول ،، لا تسكت ،، تكلَّم .. !!

وش أجاوبهم دخيلك .. ؟؟

إختلفنا .. !!

وماعرفنا شنهو الراي السديد .. ؟؟

يا تضحِّي في عنادك ،، أو ،، أضحِّي في سبيلك .. !!

ليه كل عيد إنتْـفارق .. ؟؟

صرت أكرَه كل عيد

وإنتْـ فارق ،، في [ غلاتك ] ،، وقلبي ما عنده مثيلك

المشاعر من غيابك يا دفا إحساسي ،، جليد

طحت من عيني لـ قلبي ،، وما قدرت إنِّي أشيلك

يشهد الله ،، من رحلت وفي حياتي ،، لا جديد .. !!

وكل ما ألمَح سرابك ،، أرتِبِك ،، الله وكيلك

حالتي صعبه بدونك ،، وكيف حالك يا بعيد .. ؟؟

أشتكي منِّك إليك ،، ومن جروحي ،، أشتكيلك

والله ما قصرَّت فيني بس ،، ودِّي لو تزيد .. !!

يعني " إذبحني " وكمِّل يا بعد قلبي جميلك .. !!

أدري غلطاتي كثيره ،، وفوق كل هذا عنيد .. !!

وش تسوِّي هذا حظِّك رغم زلاتي [ خليلك ]

أقتلك .. !!

لا من خطيت ويا عسى عمرك مديد

و أعذرك .. !!

لو كنت قاتل لأنه يستاهل قتيلك

ويلي منِّك لو نسيتك والزعل طبعاً " شديد "

ولو أحس لحظه بـ أنِّك منشغل عنِّي ،، يا ويلك .. !!

كل عاذل جاك بَعْدِي ،، وقالـ لك إنِّي " سعيد "

ما صِدَق .. !!

وين السعادهـ ،، والحزن شيَّد رحيلك .. !!

وكل عاذل قال عنِّي شي ،، إحساسه بليد

ما قدر ياخذ كثيرك ،، صار يطمح في قليلك .. !!

وكل عاذل إن عطيته وجهـ ،، ورَّاك المزيد

لو يقول إنَّهـ : يبيلك خير ،، والله ما يبيلك .. !!

جيتهم طيِّب وأدري ،، في زماني ما يفيد

وش حصيل الطيب فيهم .. ؟؟

ومن فراقي ،، وش حصيلك .. ؟؟

بترك الدنيا عشانك ،، دام هذا ما تريد

ويا عسى كلمة " عشانك " ،، تشفي يا روحي غليلك .. !!

الدليل إنِّي أحبك ،، صرت أحسِّك بـ [ الوريد ]

وأدري في قلبك يحبني دون ما أسمع دليلك .. !!

في عيونك صرت ( شاعر ) واصل القمَّه فريد

وصرت تسوى في عيوني كل بَني جنسك ،، وجيلك .. !!

مثل قلبك ما ألاقي ،، ومثلي ما تلقى أكيد

يعني ما عندك بديل ومستحيل ألقى بديلك .. !!

يا غزالٍ شُوف قلبي ،، ما يبي غيرك يصيد

ولا بغيتك ،، أدري وينك ،، أسمعك وأتبَع [ سبيلك ] .. !!

إجلس بـ عرش الفؤاد ولك أحاسيسي عبيد

وإعتبر حُبي نهارك ،، وقمرةٍ ،، تضوي في ليلك

ياللِّي شيَّعت المفارَق إشرَب وصالي و أزيد

خذ دفا إحساااسي و " إدفا " ،، كان بردك ،، هد حيلك .. !!

يا أجيلك .. !!

يا تجيني .. !!

هذا هو الحل الوحيد ،، وإنتَ قرِّر يا حبيبي

يا تجيني .. !!

يا أجيلك .. !!

اتعبني غرورك · 05-28-2009, 08:31 AM

محمد قصيده جدا رائعه
واختيارك موفق اخوي
سلمت يمناك
وبانتظار جديدك

الأيهم · 05-28-2009, 08:35 AM

محمد

ذوقك رائع في اختيار القصائد سلمت يمناك يالرائع

شايله همك ولا همك · 05-28-2009, 12:25 PM

الدليل إنِّي أحبك ،، صرت أحسِّك بـ [ الوريد ]

وأدري في قلبك يحبني دون ما أسمع دليلك .. !!

يعطيك العافيه...

ابتسامة القلوب · 05-28-2009, 02:46 PM

ابيااااااااااات راااااااااااائعه
تسلم يمناك

الرقم الصعب · 05-28-2009, 02:58 PM

قمة الروعه يعطيك العافيه


تصميم مواقع	دليل مواقع	توبيكات	وسائط	اضفنا للمفضلة

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: \|\|\| ் گمل جميلـگ,, ் لـ احمد الصانـع .. \|\|\|
الموضوع	كاتب الموضوع	المنتدى	مشاركات	آخر مشاركة
صور ولا احلى قمة لكن	الأيهم	صور - غرائب الصور	0	01-05-2009 10:56 PM
احلى وسيله,,,,	شايله همك ولا همك	عذب القصيد	8	09-20-2008 05:48 AM
ابي احلى ترحيييب من احلى اعضاء	شموخ امرأه	منتدي الترحيب بالاعضاء الجدد والتعارف	10	08-15-2008 12:23 AM
احلى بنت	شيخ الغلا	توبيكات توبكات ملونه للماسنجر - ماسنجريات MSN	12	06-09-2008 07:47 PM
احلى سبع صور في ايطاليا	الوحداني خلـوديM	سياحه وسفر	7	05-15-2008 05:40 PM

الذين يشاهدون محتوى الموضوع الآن : 1 ( الأعضاء 0 والزوار 1)

||| ் گمل جميلـگ,, ் لـ احمد الصانـع .. |||

عذب القصيد