حينما كنت مراهقا !!!

أولا الموضوع منقول

هلاااااااااااااااااااا مرحبااااااااااااااااااااااااااا حيالله اصدقاني بمنتدى تـــلاد
وحشتوني لم اراكم منز مبطي من الزمن( اقول اخلص بس)
اليكم الموضوع:
كنا اول ساكنين جنب سوق الخضره وكان اغلب اهل الحاره اقاربنا واهلنا
وذاك اليوم كنت جالس مع العيال في الحاره لا لي ولا علي
كنت جالس اتناقش معهم عن اسباب نكسة حزيران ( ايه هين ياجمال عبدالناصر )
يوم اذن العشاء رجعت للبيت كالعاده
معروف اول حدنا العشاء ونرجع للبيت لان لو نتاخر معروف وش بيجينا
رجعت للبيت وانا تعبان
لقيت أمي مولمه العشاء
مرقة باميا وطحينيه ((ابو التناقض))
المهم كلت وطلعت للسطح حتى الغسيل ما نعرفه
كانت ايام (( الصيف))
وامي صافه المراقد جنب بعض لي ولخواني (( كأننا في مستشفى ميداني)))
المهم نمت من حطيت رأسي ونا نايم لاهم ولاتفكير ولا شي مرتاحين البال اول
وانا نايم حلمت حلم غريب
ما ادري وشذ الحلم
المهم قمت
نزلت من السطح ((قطو))

لقيت امي قايمه تزين الفطور
سلمت عليهاحبيت يدها وراسها
صوتي متغير ومبحوح
التفتت امي علي مرتاعه
قالت عسى منتب ماكل عسكريم البارح؟؟
قلت لا والله واسئلي عيال الحاره
وجلست تناظر فيني ومستغربه من شكلي
كنها اول مرره تناظرني
المهم رحت للحمام اناظر نفسي في المرايه
شكلي متغير مررره
خشمي كبير ومليان حبوب وصوتي مبحوح كني بقره منزنطه هعهعهع
أمي ضايق صدرها
لبست عبايتها ولقطتني بيدي وراحت بي للصحيه (( المستوصف))
قلت يمه مافيني شي
قالت يمكن فيك لوز
دخلنا على الدكتور المصري
واقدم دكتورعندنا اسمه مصطفى حسين ابو العيون
العمر 65 سنه
ماجستير طب وقراحه قامعة عين شمس
كان الطبيب الخاص للملك فاروق ( خلص على فاروق وجا عندنا )
المهم بطحني على السرير هو والممرضه
ياشين ريحة الممرضه ريحتها فول وفلافل وفسيخ
والدكتور ريحة بط (( يسمع بالاكلات المصريه))
المهم قاسو حرارتي وحطو العود في فمي بغيت اطرش
علمت الدكتور وش احس فيه وش جاني في الليل وانا نايم
قال الدكتور لامي
ابنك ناضج
والله لوني مندي خخخخخ
المهم امي مبسوطه ولدها صار رجال (( اللي هو انا ))
وصلنا للبيت جلست على زلفة الباب تحتري ابوي يجي تعلمه اني صرت رجال
جاء ابوي بعد الظهر
وتركض له توه ما وقف السياره تعلقت في السياره قالت
ابشرك ولدك صار رجال
المهم دخل ابوي وجالس يناظرني نظرات غريبه (( شكله غار مني))
قال لامي الله يعينا عليه (( فاهم الوضع))
المهم اسمع أمي تقول خلنا نزوجه
ما امداني انضج بيزوجوني؟؟
وتوني ما تهنيت بللافلام وصور الممثلات والمغازل والسرمحه
وتغير فيني اشياء كثيره
صرت احب البنات
اول طول الوقت العب معهم ما يهموني ا
الحين تغير الوضع
صرت اتميلح كثير واستخف دمي واجد
وادعي عندهم
وصرت اهتم بنفسي
صرت كل اسبوع احلق شعري توليت
وبعدها صرت اطول شعري صار لي خنافس وقذيله
وفصلت ثوبين ابوغزالين والغتره الجديده والجزمه السودا ام كعب ام دندوشتين والشراب الابيض المخرق
وكل يوم لازم اغسل الثوب واكويه
صرت كني امير (((قروي))
وقبل ما اطلع ادق الزين
والبس الغتره المنشيه وطاقية الزري والمع الجزمه واحط في جيبي ثلاث اقلام اسود وازرق واحمر كني مراقب من وزارة المعارف خخخخخخخ
واحط الطيب (( كالونيا)) ابو عصفور
وبعدها اطلع اسربت في الشوارع
امسك اخر الحاره رايح جاي
واحارش البنات واغمز لهم
ياما جاني سب وتتفيل ولعنة خير
غير الشكاوي اللي تجي لامي وابوي غير الطق من اخوان البنات
المهم مليت من حارتنا
بديت اصج ابوي ابغى سياره
على فكره انا بكر ابوي
المهم صيحه انا وياه لين طلع لي سياره شبه جديده ماشيه 250000 الف كيلو ولا فيها الا ثلاث صدمات غير الطقوش
طلع لي السياره
سياره مازدا سوبر حمراء اللون
موديل 77م
الداخلي بيج
المهم صرت اهتم فيها
غيرت الجنوط حطيت سلة فاكهه على المرايه حطيت جاعد على المراتب(( الجاعد هو صوف الخروف))
غير الكتابات على شنطة السياره كلها كتابات غزليه .... والمكتوب
ان كان لي في الحب مشاركآ ... تركت الهوا وعشت وحيدآ
والعين تبكي والقلب يشكي
وعاش فهد بن سعيد وبشير حمد شنان
المهم خليت سيارتي كنها صبوره
وطالت رجلي صرت اطلع برا الحاره
وعندي صديق زكرتي ونظيف مثلي
اسمه عبدالرزاق بن حمد (( اسم مطرب ))
كنا كل عصريه نروح نغازل الدوافير ( الله من الزين يالله من فضلك )
حتى وحده دافوره خذت رقمي اعجبت فيني (( ياشباب تراني مملوح))
ياعليها طول
وعليها بياض
وعليها خدود حمر لو تلمسها سالت دم كنها طماطه والعيون الزرق (( قطوه؟))
المهم انا وياها اتصالات اخر الليل لمدة شهرين بعدها معاد اتصلت
رحت اسئل عنها واتقصى الحقائق (( حلوه اتقصى))
لقيت إن ابوها انتهى عقده وسافرو كان مدرس قواعد في مدارس بلاط الشهداء ؟ ( هذي مدرسه والا اسم مسلسل رمضاني؟ )
المهم رجعت للحاره
وكان في حارتنا بنت حلوه بس فيها رجه شوي اسمها حصه ويدلعونها حصيصه
البنت معجبه فيني(( ماقلت لكم اني مملوح ماصدقتو))
طول الوقت اسولف معها من وراء الدريشه
واحاول اقابلها في مكان قلت في السطح او الخرابه اللي قبالنا (( ليش جراوه؟) )

ما وافقت زعلت عليها (( بدا الثقل))
قالت لي ابعطيك صورتي
المهم ارسلت صورتها مع اخوها الصغير
ماتدرون وشلون مرسلتها
لافتها بخرقه وحاطه شطرطون وحطتها بكرتون وربطته بحبل (( كنها معطيتني مخدرات )
المهم فتحت الكرتون
وجلست ساعه وانا افك الشطرطون
يوم شفت الصوره ( كانت الصوره الفوريه كوداك)
طلعت الصوره
متصوره على جدار السطح (( ليش حمامه؟))
وحاطه بودره ((( روج)) احمر فاقع اللون
اول ما شفتها احسبها مأكله كبده نيه خخخخخخخخ
بس البنت حلوه. لو تخلى عنها الرجه بس تكمل
كل ليله اطلع الصوره واتفرج عليها
ويجي في تفكيري امور كثيره
وعلى ذالحال العصر في الشوارع
وبعدا لمغرب في ا لحاره
تصدقون كل يوم اعبي بنزين من الفرفره في الشوارع
الله يسلم امي هي اللي تدعمني
وبدا يخط الشنب
وبدات تطلع اللحيه كنها حثال شاهي
المهم صرت رجل من صدق
وفي يوم من الايام جاء اخو حصه الصغير وعطاني ورقه مكتوبه بالكحل
قالت لازم اقابلك في البراحه اللي ورا بيتنا الليله
رحت في الموعد وكنت خايف وارتجف لا احد يشوفنا كني رايح اقابل بياع
المهم جت
والحزن على وجهها (( ياحلو كلامي))
والدمعه في عينها
والاسي والحسره على شفتيها (( الله واكبر كلام كبير))
المهم قالت حبيبي
اغمى على من ذالكلمه واصفريت ورحت اركض وراء الجدار اطرش
اول مره تنقال لي ذالكلمه
حتى امي ماقد قالتها
المهم قالت
انا ابعرس
قلت وشو ؟؟
قالت جاء ولد خالي رشيد وبيعرس علي
واهلي وافقو
قلت وانتي؟؟؟
قالت وش اسوي ابوي وافق
انصدمت ومرضت وجتني حاله نفسيه سيئه ولاعاد افارق البيت وكل ساعه اطلع الصوره ابوسها وابكي
ولاعاد أكل
وطول الوقت مشغل المسجل الكاترج اغنية سميره توفيق
(( لاباكل ولا بشرب .. بس بطلع بعيوني باليل يعيني باليل))
انحل جسمي ونحفت وصار اكبر مافيني خشمي
وبعت المازدا وشريت سيكل 24 جلاس انهبلت
المهم من شيخ لشيخ يقرون علي
والعزايم والقرايات والطب الشعبي
حتى قشر الرمان كلته ((( والله لواني اعاني من حمى النفاس))
بعدها بسنه نسيتها لاني لقيت وحده ثانيه
(( منيب سهل))
واللي حبيتها اسمها جواهر ويدلعونها جهير
حلوه وزينه بس فيها قمل
وصار نفس اللي صار لحصه
ورجعت مثل اول
ونسيتها وحبيت وحده ثالثه
(( يلعن ذالقلب انقلب فندق)) كل اسبوع وحده؟؟
معاد اميز
ادمنت غزل الله يكفيكم الشر
المهم في الاخير كبرت وعقلت معاد اعرف الا حول 22 بنت فقط لاغير

م
ن
ق
و