بعد التعارف على النت قررو يتقابلو؟؟؟

هي: حبيبي انت جيت.. ؟
هو: ايوة يا حبيبتى امال خيالي؟.. انتي مش شايفة اسمى اون لاين ؟ يبقى انا جيت.. ده سؤال يا سوسو ؟
هي: آسفة يا حبيبي.. اصل فرحتي بظهورك طيرت عقلي.. ها.. قوللي بقى.. عملت ايه امبارح لما خرجت انا اوف لاين ؟
هو: معملتش حاجة ابداً.. قعدت فى رووم اسمع اغاني
هي: آه , واظن الست دلوعة كانت موجودة
هو: وحياتك كانت موجودة بس عملتلها بلوك
هي: ممممم.. يعنى مكلمتهاش؟
هو: لا
هي: ولا حتى هاي؟
هو: لا.. هيّ سلمت عليا فى الرووم قبل ما اعمللها بلوك و انا قلتلها ب رب
هي: اها.. طب كويس..يا ريت تعمللها ديليت خالص من الليست
هو: عينيّا ياحبيبتي انتي تؤمريني بس
*********
الجزء التاني
هو: أخيرا يا حبيبتي اتجوزنا و اتقفلت علينا رووم واحدة


هي: ايوة يا حبيبي أخيرا..

بس مال الصوت بيقطع هنا ليه ؟

هو: ياستي واحنا هانعوز الصوت فى ايه؟.. اعملي ميوت
هي: ههههههههه.. على رأيك
هو: باقوللك ايه ؟
هي: ها
هو: عملتي باس وورد للروم , احسن نلاقي الناس جاية
هي: اطّمن.. عملت باس وورد طبعا و لا يهمك.. بعدين انت بقيت أدمن البيت.. يعني اى حد مش على مزاجك.. باند على طول
*********
يوم الطلاق
هو: انتي يا وليّة
هي: وليّة؟؟..أنا وليّة؟؟.. انت ناسي أد ايه حفيت عليا فى الروومات والماسينجرات؟ ان كنت ناسي افكرك
هو: كان يوم اسود ياختى يوم ما عملتلك آد.. يا ريتنى كنت ب رب.. ولاّ ديس كونيكت مكنتش شفت خلقتك
هي: نعم نعم.. مالها خلقتي.. مش كنت بتموت عشان تشوفني على الكام..وكل شوية تقوللى فين كامك؟
هو: كنت أعمى و أضبش و أطرش.. ارتحتي
هي: ياخاين ياغدّار.. يخونك اللي بيننا؟..ده احنا بيننا روومات وهيء وميء ودوت وكوم.. يخونك الإنفيتات اللي كنت بابعتهالك عشان تبقى جنبي في الروومات؟..خلاص نسيت الإيميلات والسهرات.. انت أكيد فى مخك فيروس عاوزلك فورمات.. بقى يرضيكم ياهووووووووو.. ياخدني أون لاين..ويرمينى أوف لاين..منك لله..من النهاردة انت إنفيزيبل في حياتي
هو: وانتي ريموف بالتلاتة

هههههآآآآآآآآآآآآي



يعطيك العافيه خيوو

هههههههههههههههههه>>>>>>>>>>>>>الله يستر من الي بلمنتدى لايكون مثلها >>>>>ههههههههههههه

مشكوره قلبي على المرور

ههههههههههههههههههههههههههههه





حمودي




يسلمو على هذا الطرح الظريف والرائع




دمت بود

مشكوووووره قلبي فديتك فت وفت

مشكوور عالموضوع