قصيده كتبت بالشعر الحر اعجبتني وان شاء الله تعجبكم
اتمنى قرأتها وبتحسون بروعتها ..
حبيبي ...
ممكن سؤال ...؟!
وش رايك بــ " وأد " البنات ...؟!
حبيبي ...
تدري الـ " وأد " أشكال ...
تدري الألم انواع ...
تدري القهر " وأد " وألم
تدري البنات من جرح واحد ينتهون
تدري حبيبي ...؟!
تدري البنات من كلمة وحدة يسهرون ...؟!
ويتخيلون ... ويحلمون
ومن طعنة كلش ينتهي
حتى الامل فيهم يموت !!...
فديتهمـ ...
تدري البنات مثل الورود ...
من جرح واحد يذبلون ...
ماهم مثل طبع الرجال ...
يتحملون ... ويكتمون ...
ينسون لحظات الألمـ..
لا يا بعد كل الرجال ...
هذا مهو طبع البنات !!...
حياتهم فيها دلــع
فيها ولــع
حياتهمـ فيها غنــج
فيها دلال ...
فيها سواليف ... وضحك
تاصل إلى حد الهباااال !...
فديتهمـ
يغفر لهمـ سحرٍ سكن بعيونهمـ ...
يغفر لهمـ ماحطه الله من جمال
تدري إذا تحب " توأد " بنت ...
إجرحها لو في حرف!! ...
من كلمة تموت ...
بس والله حرام
حرام توأد أغلى شيء
حرام تقتل أحلى شيء
حرام تجريح البنات
حتى سوالفها تموت بقلبها ما تحكي لاحد
تخاف من بكرة يقولون البنات
تكتمـ هواها بقلبها
حتى إسمـ حبيبها يموت ما قالت فلان
يا ربي وش حلو البنات
والحين ...
تقدر تجرح لك بنيّة ...؟!
بالكـ ...
مهوب من طبع الرجال ... جرح البنات..
!!.. تـدري ان البنـات مـن جـرح واحد ينتهـون ..!!
