لاتتصل بي طابـت النفـس مابيـك
مابيـك دامـك فـالمشاعـر تسـلا
خلاص أبرحل عن غرامـك وأخليـك
دام الغمـام اللـي بعيونـي تجـلا
شوف شخص ثاني يشبهك في مباديك
دلـو الخيانـه وسـط قلبـك تـدلا
وإلأ مثل شخصي خسـاره يحاكيـك
ياللـي فـؤادك باالخيانـه مُـحـلا
أول حبيبي ياحبيبـي وأنـا أغليـك
واليوم مالك فـي ضميـري محـلا
لاياخساره يوم مـن قلبـي أعطيـك
حب(ن) حقيقي وعيون تبكـي تهـلا
وياما سهرت الليل وحـدي أناجيـك
وطيفك يمـر القلـب ومنـه يتحـلا
ماكان أحد(ن) في حياتـي يجاريـك
وماغيرك أحـد(ن) للفـؤاد أستحـلا
واليوم بانت لـي حقيقـة مواريـك
نجمك هوا مـن بعـد ماهـو تعـلا
ماعـاد أحبـك أو أودك ولا أبغيـك
وفـؤادي اللـي يعشقـك عنـك ولا
خلك مع الهجـران والبعـد خليـك
بنـار هجـري ياحبيبـي تـصـلا
ولاعـاد ترجعلـي ويكثـر ترجيـك
قلبي إذا أنـه عـاف عـاف وتخـلا
مآ بيك...دامك في المشاعر تسلى
العرض العادي
