يااا بــــ ح ـــر

يابحـــــر بسالكــ ليش امواجكـ الليلهـ تعاانـــي ؟
انت مثلي يابحر قبل امس فاقد لكـ حبيبــــــــــــــــه.
انت متضايق عشانك والا متضايق عشاني..
اسألك بالله قلي يابحر وش المصيبــــــــــــــــه.
والآ اقول اسكت وانابحكي عن اللي لك خذاني..
ببتدي معك الكلام وكل ماعندي بجيبـــــــــــــه.
تذكر اللي صوتها تشتاق له حتى المواني..
كل ميناء يسال الثاني اذا طول مغيبــــــــــــه.
تذكر اللي سلهمتها تقلب الدنيا ثواني...
تذكر اللي عطرها حتى طيورك تحتفي بــــــه.
تذكر اللي علمتني كيف اروض هالمعاني..
كل مامرت عليه رحت للشعر انتخي بــــــــــه.
تذكر اللي كل صبح تمرني باحلى تهاني..
صار كل العمر عيد وصارت اقرب من قريبـــه؟.
قبل يومين تركتني ورحلت مع شخص ثاني..
شخص ماكانت تحبه بس ماادري وش تبي بــه.
ادري اني من سببها كاسر خاطر زماني..
وادري اني اول انسان يكسر خاطر نصيبــــه.
وادري ان الله خذا منـي مثل ماهو عطاني..
وادري ان الغاليه راحت رضا ماهو غصيبـــه.
بس اقول الله كريم وعمر كل الناس فاني..
والمكان اللي خلا من زولها وش ينبغي بــه.
طالبكـ بالله قلي حط نفسك في مكاني..
وش تسوي يابحر لاصرت فاقد لك حبيبـــه ؟