تعالي وارتمي في حضني الدافي وانا بسقيك

تعالي وارتمي في حضني الدافي وانا بسقيك

تعالي طنشي العالم تعالي بي نخربها

ابحطك على الباب اليمين بجانبي وامشيك

من استاد الفهد لاقصى السويدي بي نجربها

وبختمها بجولات العليا والشمال وكل مايرضيك

ولابيهمنا يابنت منهو بي يراقبها





ســلام الله على شوفك ســلام الله على طريـــاك
تذكــرتك ونار الشــــوق وســط القلب تكويني
غلاك اللي سكــن روحي علـى كل البشــر عـلاّك
وعلى مــن حبتـــك روحه تدلل يانظر عيـــني
أنا مــرخص لك الغالي وكــل اللى تبي يــــفداك
أنــا يزعلــنى اللي يـــزعلك وارضاك يرضيني
أبي أعيش الغــلا واهـــيم من دنيـــاي في دنياك
لعلك مـــا تعيش بحــــالتي وانته مجافـــيني






أستفيظي يا مشاعر و أسعفيني ياحروف
و أدركي وش له بقلبي من ينابيع الغــــلا

أرسلي طوق المعزه حامل لون الطيوف
و أصدق أبيات المدايح والوصايف والولا

و اصلن عندي بقلبي رغم تفريق الظروف
يا عساني ما أعدمه و ياعساه ما يخـــــلا






فاقدك والاه في قلبي تلوف
والالم ماللالم عقبك دوا
النسايم اصبحت برق وعصوف
والسرور اللي علا نجمي هوى
يارفيقي ااه ياصعب الظروف
وياقسى قلب الليالي والنوى
فاقدك ليتك تشوف اللي اشوف
ضاقت الدنيا وضاق المحتوى






يمه حزين أبـغـيـبـــتك واشكي الهــم
يمه فديتــــــــك لاتغـيـبـيـــن عـنــي
يمه الحياة أبغـيـبـتـك شكــلـــها غــم
يمه ضحكت وجامل الضحــك سني
يمه سكن حزنــــي على حافـــة الفم
لاجيت اسولف دمـــع عينيي سبقني
يمه ترى هالبـيـت موحــش ومظلم
في غيـبـتـك يا(ياااااااه)ســوره خنقني






نص حزن الكون مرسوم ٍ ابعيني
ونصه الثاني غدى بالقلب ذايب
والدموع اللي تعانق وجنتيني
ماهي إلا جمرتين ٍ من لهايب
غارة الأحزان ضمتها ايديني
واشعلت في داخل اضلوعي حرايب
وانطفى نور الفرح في ناظريني
بعد ماغابوا عن الارض الحبايب




ما اقدر على بعدك وانا منك مذبوح
وش حيلتي في الّلي عيونه سلاحه
قلبي من اصدودك مثل طير مجروح
طاوي على كسر المحبّه جناحه
ليلي ونهاري من عنا شوقي أنوح
عطني من الأشواق يوم استراحه






ليت العيون اللي تشوفك ضريره
كان الدموع بصفحة الخد ما جات

شفتك وشفت احلام عذري صغيره
ماتت قبل تنطق حروف ٍوكلمات

دامك لغيري طول عمرك أسيره
وش حيلة العاشق سوى هم وأهات

خليني أسكت ناسيٍ ٍكل سيره
من ذكرها تطري على النفس ونات







كيف بصبرعن وجودك.. لا تقفى الليل ليـــل
كيف ابقضي العمر و ايامــه؟؟اردد هالســؤال!
اســـألكـ بــالله قــــــلي ...
العطــــا مني قليـــــــــل ؟؟!!
جـاوب القلب المعــنى .. لا ســأل و الدمع سـال ..






هـــــلا من مرهف احســاسي ..
هلا من خــافي الاعمــــــاق ..
هــــلا من كل قلبـــــي ؛؛
من عــــــروقي ؛؛
من شراييـــــــــــني ؛؛
هـــلا من كل شي
في حيــاتي ينتثـــــر اشــــواق ..
هــــلا من كل دمع
لجــــل اشـــوفك .. تنثـــــرهـ عيــــــني .. !!
هــــلا من صدري اللي
دام حبــــــكـ داخلـــــه .. ما ضـــــاق ..
هــــــــلا من خاطر يرســــمـ غلاكـ
؛؛ بدفـــــــــتر سنيــــــــــني






قلبي يسولف بك وعيني تحراك
وعطرك على يمناي كم له يناديك
إن غاب صوتك صورتك بين الافلاك
بروزتها مابين هذي وهاذيك
توجّسيني خوف قدام لا اظماك
وخلي غلاي بكل الاحوال يسقيك
واخذيني اقرب من مخدتك واغطاك
واعطيني اللي كل ما احتجتي اعطيك
واذا رويتيني غلا قولي اهواك
توك معي توي معك حب يمديك






مازلت اولع شمع فـي يـوم ذكـراك
واعيش فيه الهـم والغبـن والكبـت

ولاقد طراله هاجس العشـق ينسـاك
يحياعلى الذكرى من السبـت للسبـت

وانا بعد عايش علـى جـرح فرقـاك
ابطي وانا من لوعة الجـرح ماطبـت

لوعة قسـا بُعـدك تجـاوز لـلادراك
تقفل مجـال القـرب مهمـا تقربـت





مسا حسنك مسا وردك مسا اللولو مسـا الياقـوت
فديت الـورد والوانـه.. بعـد ماداعـب الماسـك


مساء ليلٍ طبع لك فيه.. مقتولـك ثـلاث اكـروت
على وردك.. تحـت ماسك..علـى قـدك ومياسـك


على ثغرٍ خلقـه الله.. عـذابٍ للعنـب.. والتـوت
يذوب التوت.. لعيون العنب.. في همست انفاسـك





يافاتني حسبي علـى جـور فتنتـك
ماطلت شي ولا قوى القلب ينسـاك

الفتنه اللي تختفي خلف غطوتـك
مابان منها غيـر رمشـك وعينـاك

يسعد صباحٍ فيـه صافحـت طلتـك
لو هي مصافح شوف يكفي فدينـاك

افدى العيون ورمش عينـك وشفتـك
ويفدون كل البيض فالارض ماطـاك






جمعت عمري من مرارته للياس
وجيتك ألم ياطول ياطول باعه
جيتك على كف الشـقا كلي اتعاس
مليّت من شرب الكدر و إجتراعه
جيتك وعشقي والغلا ماله قياس
من أول آهاتي لآخر نزاعه
رسمت بك ذاتي ودنياي والناس
ولونـّت بك موت العنا وإنقطاعه





يمين الله ما زاحم مكانك بالحشا مخلوق
لحالك مستبيح القلب تذبحني وتحييني
تسلطنـّتْ بحنايا الروح وشرّعت الخضوع طروق
رغم طول المسافة كنـّك بجنبي تباريني
وفيتْ لحبك الطاهر ولاّ خالفت فيه حقوق
كأني في يراعك حرف تكتبني وتمحيني
تطـمّـن يانظر عيني معك لين الزمان يروق
مصير العشق يجتاح الفراق وغصب يدنِـيني






البـارحــه حــزن ومشاريــه وعتــاب
ليـــل(ن) عسـى عدوان عينــك تشــوفه

كـن الألـم يزرع وســط خـافقـي نـــاب
والهـم وثــّــق بالمحــاني .. سيــــوفـــه

ماكنــت أبي غيـرك من أحبـابي أحبـاب
ياللـي دواي وفرحتــي من كفــوفـــه

أرجــوك لاتطــري بعــــد وصلــك غيــاب
تـــرى حيــاتي دون قربــــك حسـوفه ..






إنتعاش الورد في لحـظة وصـال ..
والذبـول أنواع !!والفرقـا قهـر !!

والنجوم أشكـال في عرض الليـال ..
والكواكب فوق ..
وأحـلاها القمر ..

مستحيـل أنسـاك حتى بالخيـال ..
وإن نسيتك ..!!
حــلم من بعد السهـر ..!!





لو خيرونى بينك وبين شوفى
والله لااختارك لو افقد عيونى
واشوفك بعينى وقلبى طيوفى
لأنى بدونك ياحبيبى بدونى
الله لامن غبت وش كثر خوفى
والقلب لك فى كل لحظه حنونى
تبغى العمر بأعطيك قلبى بكفوفى
وان كان تبغى أحساس عشقى جنونى






دمعي بعيني يفسر صمت حرماني
والحزن فـي نظرتـي بالدمـع غرقتـه

خلوني اعيش باقي العمر ! وحداني
وش لي مع الناس واغلى الناس فارقته





لو لمست الوجد غنّاك السحاب..
وانتثر غيم المحبه في يدك..
وامطرت لك لهفتي جرح وصواب..
وارتمى شوقي بحضنك واسعدك..
تدري ان الصبر في بعدك عذاب؟؟
وتدري انك في عيوني وافقدك!!





صوتك هديل ونفحة انسامك عطر فرساتشي
يا اطيب من الفودكا مع الكافيار وثمار الفريزو
غلااك عندي فوق باكستان حبا في كراتشي
وأكبر من محبة أهل تشيلي لمرفأ فلبريزو
بنيت لك قصر مثل قصر الامير آآتشي
على ضفاف بحيرة التنين في غابة شيميزو

صعبة المنال .. يعطيك العاافيه على روعه اختياارك


بانتظاار المزيد منك

تسلمين عالتواجد

يسلموا كلام جدا رهيييييييييب

يسلموووووووووووووو عالمرور

يسلموووووووووووووو يالغاليه على هالكلام الاكثر من رائع
وتقبلي مرور