جااايبلكم اليوم قصيده للشاعر خلف بن هذال في وفاة الملك فهد رحمه الله
واكيد اكثركم سمعها لكن حبيت انقلها لكم
القلـب يحـزن والـدمـوع تسـيـل
والعيـن تسهـر والغيـاب طـويـل
الفاجعـه قضـت مفاجـع جنوبـنـا
الـهـم يكـبـر والـفـؤاد علـيـل
حـوادث الدنيـا كـفـا الله شـرهـا
يصبح بهـا الحمـل الخفيـف ثقيـل
علم ضحى الاثنيـن بالحيـل راعنـا
روعـة خليـل مـن فـراق خلـيـل
نهارنا شمسـه خبـت فـي غيومهـا
نصـف النهـار وكنهـا فـي لـيـل
غيبـه فهـد عنـا مصـاب مصيبنـا
عسى النساء عقـب الغريـب تحيـل
يـارب ترحمنـا وتلـطـف بحالـنـا
ماعـاد فينـا غيـر حيلـك حـيـل
بالصبـر والسلـوان يـارب مـدنـا
اجعـل لنـا علـى رضـاك سبـيـل
تجبرعزانـا فـي ملكـنـا زعيمـنـا
عسـاه بجـنـان النعـيـم نـزيـل
مرحوم يامـن راح تشعـب ركايبـه
بـدار الفنـا عقـب المقـام رحيـل
نذكر مواقف من ثبـت فـي مواقفـه
رجـل الهـدى للضايعـيـن دلـيـل
نعـد ونضيـع حصـايـل مناقـبـه
ونجيـب مـن فيـض الكثيـر قليـل
مآثـره تبـقـى ونلـقـا ظلالـهـا
في القيظ عن لفـح السمـوم مقيـل
رجل البنا رجل الثنـا فـي زعامتـه
زعامـه فيـهـا عـطـاه جـزيـل
من ربع قرن وقايـد العـرب مرتكـي
للنايـبـات وللـحـمـول يـشـيـل
شيـال حمـال اللـي تثنـت قوايمـه
بـارك ومـن مـس الشـداد هزيـل
للواجبـات منفـذ ٍ عـن سـواعـده
سيف علـى حسـم الامـور صقيـل
غيث ٍ على الممحل غيور ٍ على الوطن
ماعـال وان عـال الخصيـم يعـيـل
مو ت ٍ ليا زمجر حيـاة ٍ ليـا ابتسـم
يـسـف بـافـواه الـعـداه ملـيـل
يوم اعتداء الغاشـم وحـول بجارتـه
قال انـت يـا هـذا الغشيـم هبيـل
هي جارتي واقف على الرجل دونهـا
وانـا لهـا بعـد الوكـيـل وكـيـل
رد الحقـوق وصبهـا فـي مسارهـا
فعل الاصيـل مـن الجـدود اصيـل
قال انعمي ياكويت بالمـن واعمـري
وانـا وراك ومـن غــزاك ذلـيـل
نادا باهـل لبنـان والحـرب دايـره
حـرب جنـوا منهـا دمـار وويـل
جمـع طوايفهـم وحــدد قـرارهـم
للصـلـح بالطـايـف ولادة جـيـل
و في قبه الصخره وللقـدس فزعتـه
يـوم اختفـاء دون العميـل عمـيـل
ماغض عن محنـه فلسطيـن ناظـره
يجمـع لهـم رجـل السـلام حصيـل
وفي البوسنه والهرسك احكم سياسته
عـن خوفهـا جـاب الامـان بديـل
آمـن محارمهـا وحصـن حدودهـا
للمعـضـلات المقـبـلات قـبـيـل
قبيلهـا وان كشـرت لــه بنابـهـا
يضحك لهـا ضحـك الاسـد بالحيـل
ليث مخضرم مارس الجـوع والرخـا
ملـك ولا لــه فالمـلـوك مثـيـل
عمـران مكـه والمدينـه شـواهـده
تفنـى الليالـي والجلـيـل جلـيـل
بطباعـه المصحـف كبـار وهايبـه
يمنـى كريـم ولا يمـيـن بخـيـل
ورد لنا المـاء صافـي مـن منابعـه
عذب مثل نقـع الصفـا مـن سيـل
كـان العلـم للعلـم هـذي معالـمـه
حـراب نــوم وللعـلـوم صمـيـل
انشاء المدارس والفهـارس فراستـه
فارس زمـان ومـن خيـار رعيـل
يالله ياسامـع دعـا رافـع الـدعـاء
تفـرش ترابـه زعفـران وهـيـل
يسقيـه مـن نـو الثريـا همايـلـه
وينبت عليـه مـن الزهـور اكليـل
ترحم فهـد وتعوضـه عـن جمايلـه
وتـرد لاصحـاب الجميـل جمـيـل
ترك غثـا الدنيـا وفـارق همومهـا
وخـلا مـن اغـلا المترفـات حليـل
وللعز يا اللـي عضتنـا فـي فقيدنـا
ياللـي لـك التاريـخ يصنـع قـيـل
انـت العـزا ياعزنـا فـي عزيزنـا
تحيـا لنـا ياللـي لاخـوك زمـيـل
زاملت اخوك بسيرتـه فـي مسيرتـه
مسيـرة ٍ عنهـا الضعيـف يمـيـل
انبايعـك ونجـدد البـيـع والــولا
بيعـة رجــال وللعـهـود كفـيـل
كفيلنـا الله يـوم نعطـي عهـودنـا
لـك يابـطـل ياشـهـم ياحلحـيـل
والبيع ماهـو بيعـة البيـع والشـرا
بيعـة ملـك ماهـو ب وزن وكـيـل
نعم السلف نعم الخلف عـن سليفنـا
واصـل وطبـق محـكـم التنـزيـل
حنا وراك نواصـل السيـر والسـرا
جديـك شمـال وبالجنـوب سهـيـل
قايد ومن قدته علـى الخيـر خيرتـه
يـارد علـى خيـرك مـوارد نـيـل
فيـك الاخـوه والمـروه طبيعـتـك
واصل الطبيعـه مـن طبـوع نبيـل
سليل مجـد مسلسـل مـن سلالتـه
هـذا العظيـم مـن العظـام سلـيـل
راي ليـا دبـر شجـاع ليـا اعتـزا
صــارم يـبـرد للكـبـود غلـيـل
حـزم ليـا صمـم عـزوم ليـا نـوا
مـن لاذبـه يـرقـد وراه دخـيـل
عدل ليـا حاكـم عطـوف ليـا عفـا
ظلـه ليـا انكـف الظـلال ظلـيـل
ومبايعـه سلطـان للعهـد واجـبـه
ولــي عـهـد وللنـظـام كمـيـل
سلطـان خيـر وضافيـات ٍ شمايلـه
مضفي علـى ستـر الديـار شليـل
عضيـد عبـدالله ليـا هاجـت العـدا
اصهـل ونعـرات الحصـان صهيـل
برعايـة الله ثابـروا فـي كيانـكـم
ياذخر مـن يخلـي سـروج الخيـل
نعم الموحد مـا سهـا عـن رعيتـه
يهـذل علـى خيـل الفـلاح هذيـل
يارايـة التوحيـد عيشـي ورفرفـي
الاصـل ثابـت والـفـروع نخـيـل
هذا وانا لـلارض والشعـب منتمـي
ورثـي ومـن ذاك الفصيـل فصيـل
فصايل قامت على الديـن والشـرف
سـرجِِِِ لحومـات الـظـلام تـزيـل
قامـت شريعتهـا وسـادت شعوبهـا
رغم علـى اهـل الكيـد والتضليـل
08-17-2008, 05:11 AM
القلب يحزن والدموع تسيل
المواضيع المتشابهه للموضوع: القلب يحزن والدموع تسيل
العرض العادي
