انا وماسح الاحذيه !!

السلام عليكم ورحمه الله وبركاته

اليوم ودي اتكلم عن موقف حقيقي حدث لي .. مع مين ؟؟ مع الرجل الذي يقوم بتلميع وخياطه الاحذيه ..

تعرفوون نحن علي وشك دخول الشتاء .. وكان فيه مناسبه زواج وحبيت المع الجزمه علي قولت المصريين .. المهم اخذت الجزمه نزلت من السياره وسلمت علي الاخ بعرفكم عليه من خلال بطاقته التاليه :

الاسم لااعرف اسمه

االمهنه: عامل وملمع احذيه

الجنسيه : تركي

الشكل الخارجي : سبحان من خلقه وسيم يشبه راغب علامه .

العمر : 35

المؤهل : متوسط فقط .

المهم بعد ما سلمت ورد التحيه باحسن منها ممزوجه باابتسامه مشرقه علي وجه حلو . و اعطيته الجزمه وقال ايش المطلووب قلت ابيك تلمعها وتلمع اللي خلفووها انا عندي ومناسبه وابي اكشخ .. قال ابشر ولا يهمك ..

وبينما هو يلمع الجزمه بين يديه بملع لااعرف صنعته انما اشوفه يلق مشاء الله .. دار بيننا هذا الحديث ..

قلت .. اشوفك مبسووط ومتبسم ليش الغربه مالها دور ؟؟
قال والله انا احب صنعتي واتسلي فيها واكسب منها رزق حلو.. وليش افكر انا كل سنه انزل تركيا وارتاح مع عيالي وارجع وهذا اللي كاتبه الله لي ومقتنع فيه .. اعجبتني قناعته الكثير من الناس يتشكي وينسي ان الله فضله علي كثيررر من االعالمين ..

قال لي ... ياخوي جزمتك ماركه .. وسعرها كبيرر ..
قلت له ... كيف عرفت قال هذي الماركه مثل الماركه اللي البسها اذ نزلت الي تركيا ..
قلت له .. ليش تلبس ماركه بفلوس كثيره قال ياخي انا اللي احصله اصرفه علي نفسي وعيالي وبس وماراح اخذ معي شي اذ مت .. اعجبني كثير نظرته للحياه والفلووس ..


قلت له طيب بس هالمهنه من متي تشتغل فيها ؟؟
قال من زماان واحبها واعشقها واجيدها بكل مهاره .. بل افتخر فيها عند جماعتي

قلت بنفسي وينك عن ربعنا الكثيرر من الناس يستحي يقوول ابوي كان يشتغل في محل خضاار ولا نجاار ولا سبااك . لاان ذلك يعتبره عيب وينسي ان العمل شرف ورفعه ..

من ذلك استنتجت ان الرضا بما قدره الله لك ومحاوله الاستمتاع فيه بنفس راضيه كفيل ان يصنع منك انسان سعيد في بيتك وعمللك وحياتك

من ماسح الجزمه استفدت عبر وحقائق
كثير من الاخوان يشتكي من قله الماده . وضيق اليد وهو عنده خير ولكن لا يعرف كيف يخطط لنفسه وعياله ويستمتع بفلوسه
وكثيرر عنده فلووس وحاطهم في البنك .ز وعايش كنه فقير علي كل المستويات لا بيت زي الناس ولا سياره ولا شي حتي لبسه اذ شفته شفقت عليه ويمكن تقول بنفسك هذا تحل عليه الزكااه ..

بعد هذا النقاش كان انسان جميل وانسان محترم ومن باب احترامه لعمله قام برش الجزمه برائحه حلووه جدا وسالته ايش هذا ؟؟ قال هذي علبه قيمتها لو اشتريتها من بري 90 ريال انا حطيت لك هالرائحه الحلوه داخل الجزمه ..

ولا زلت اشم تللك الرائحه والتي تعبر عن ذكري جمبيله لي مع ماسح الاحذيه ..

لكي مني ايها الشهم كل احترام وتقدير ..

شي صار وحبيت انقله لكم بكل عفويه ووصراحه ..
وسامحوني بالتقصيررر


اخوكم ..مهندس انساني


ملاحظه ... ارجو ان لايفكر احد ان طرحي للموقف يعني اني لي موقف من المهنه ذاتها فوالله العظيم اني احترم العمل طالما انه وفق العقل والمنطق والشرع .. ولكنه موقف وحدث ونقلته لكم..

يعطيك العافية ونتظر جديدك